A VWỌ TON OTAẸTAKUẸGBE PHIYỌ
UYONO 3
Uruemuesiri
Odjekẹ ri Baibol: “Ẹguọnọ . . . ruẹse.”—1Kọ 13:4.
Obo ri Jesu Ruru
1. Ni IVIDIO na, yẹrẹ se Jọn 9:1-7, rere ovwan ta ota kpahen enọ ri nenire:
-
Die yen Jesu ke ru—o ke sivwin orhuẹro na gbanẹ o nenire ta ota kpahen iyẹnrẹn esiri na tavwen?—Ni Jọn 9:35-38.
-
Die yen sa nẹrhẹ ota ri Jesu mu ọshare na vwọ kerhọ rẹ iyẹnrẹn esiri na?
Die Yen Avwanre Yono Mie Jesu?
2. Ohwo se vwo owenvwe rọ vwọ kerhọ siẹrẹ ọ da mrẹ nẹ e vwo ọdavwẹ rọyen.
Vwẹrokere Jesu
3. Roro kẹ ohwo na. Davwẹngba vwọ vwẹ ẹwẹn roro oborẹ oma ruo.
-
Nọ oma wẹn: ‘Die yen sa dia obo ri kpokpo ẹwẹn? Die yen sa chọn uko je kẹ omavwerhovwẹn?’ Wo de ru ọnana, ọ cha chọn wẹn uko vwo dje uruemuesiri phia nẹ otọ rẹ ẹwẹn rhe.
-
Djephia nẹ wo vwo ọdavwẹ rẹ ohwo womarẹ wọ vwọ kẹrhọ rọyen. Ọ da vuẹ wẹ kpahen oborẹ oma ru ọyen yẹrẹ djunute ebẹnbẹn ro hirharokuẹ, wo wene uyovwinrota na-a.
4. Ta ota vẹ ọghọ kugbe erorokẹ. Wo de vwo ẹwẹn rẹ erorokẹ kpahen ohwo na, wọ da ghene guọnọ vwẹ ukẹcha kẹ, ọ cha mrẹvughe womarẹ oborẹ wọ ta ota kẹ wan. Jomaotọ kpahen eta wọ ta vẹ oborẹ wọ ta ayen wan, wọ je kẹnoma kẹ eta re sa nẹrhẹ ophu muo.
5. Vwẹ ukẹcha phia. Guọnọ ọke ro fori wọ vwọ vwẹ ukẹcha kẹ ohwo na vwẹ idjerhe evo. Avwanre de dje uruemuesiri phia, o se rhie uphẹn rẹ otaẹtakuẹgbe phiyọ.
