U THOMA NYAMBEDZANO
NGUDO 3
Ivhani Na Vhuthu
Vhulivhisi: “Lufuno . . . lu na vhuthu.”—1 Vhakor. 13:4.
Zwe Yesu A Zwi Ita
1. Ṱalelani VIDIO, kana ni vhale Yohane 9:1-7. Nga murahu ni fhindule mbudziso dzi tevhelaho:
-
Ndi mini zwe Yesu a zwi ita u thoma, naa o thoma nga u lafha munna a sa vhoni kana o thoma nga u amba nae mafhungo maḓifha?—Sedzani Yohane 9:35-38.
-
Zwenezwo zwi nga vha zwo ita hani uri onoyo munna a ṱoḓe u thetshelesa?
Ri Guda Mini Kha Yesu?
2. Muthu a nga ṱoḓa u ri thetshelesa arali a zwi ṱhogomela uri ri na ndavha nae.
Edzisani Yesu
3. Lingedzani u humbula nga ha nḓila ine muthu a khou ḓipfa ngayo.
-
Ḓivhudziseni uri: ‘A nga vha a tshi khou vhilaedziswa nga mini? Ndi mini zwine zwa nga mu thusa na u mu kunga?’ U ita zwenezwi zwi ḓo ni thusa uri ni sumbedze vhuthu nahone ni zwi ite zwi tshi bva mbiluni.
-
Mu thetsheleseni. Musi ni tshi ita zwenezwo, ni vha ni tshi khou sumbedza uri ni na ndavha na zwithu zwine a zwi dzhia zwi zwa ndeme. Arali a ni vhudza nḓila ine a ḓipfa ngayo nga ha maṅwe mafhungo kana a amba iṅwe thaidzo ine a khou sedzana nayo, ambani nga ha zwenezwo, ni songo thoma maṅwe mafhungo maswa.
4. Ambani nga vhuthu na nga ṱhonifho. Musi ni tshi pfela muṅwe muthu vhuṱungu nahone ni tshi ṱoḓa u mu thusa, zwi ḓo pfala kha nḓila ine na amba ngayo. Ni vhe na vhulondi kha zwine na zwi amba na nga nḓila ine na zwi amba ngayo.
5. Ḓiimiseleni u thusa. Ṱoḓani zwibuli zwine na nga thusa ngazwo onoyo muthu. Musi ri tshi sumbedza muṅwe muthu vhuthu, zwi nga mu lelutshela u amba na riṋe.
