COME SCOMINSIAR A PARLAR COLA PERSONA
LESSION 3
Mostra bontà
Prinsìpio: “El amor l’è . . . bon.” — 1 Cor. 13:4.
Come che Gesù lo ga fato?
1. Varda el VÌDEO, o ledi Gioani 9:1-7. Dopo, rispondi a queste domande:
-
Sarà che Gesù prima el ga curà el omo orbo o prima el ga parlà dele bone notìssie a lu? — Vedi Gioani 9:35-38.
Cossa che imparemo de Gesù?
2. Sarà pi fàcile che una persona la scolte el nostro messàgio se la vede che se preocupemo con ela.
Fà compagno Gesù
3. Proa capir come che la persona la se sente.
-
Domàndate: ‘Che preocupassion fursi la ga? Cossa che saria interessante par ela?’ Pensarghe sora queste robe ne giutarà a mostrar bontà de cuor.
-
Scolta la persona. Cossita te ndarè mostrar che te te preocupi con ela. Alora se la te conta sora le dificoltà che la ze drio infrontar o come che la se sente, no stà mia parlar de nantra roba.
4. Parla con bontà e rispeto. Par meso dela to voce, te pol mostrar che te capisse quel che la persona la ze drio infrontar e che te vol giutarla. Stà atento con quel che te parli e cola maniera che te parli. No stà mia dir robe che le podaria ofenderla.
5. Proa giutar. Pensa in quel che te pol far par giutar la persona in quel che la ga de bisogno. Se te ghe mostri bontà, pol esser che la gavarà caro de parlar con ti nantra volta.
