OPATXERIHA OTTHEKULA
YOOSOMA 3
Mukhaleke ooreera murima
Miruku sa mBiblyani: ‘Mutthu orinono nsivelo . . . tooreera murima.’ — 1 Akor. 13:4.
Etthu Yesu aapankaawe
1. Moone EVIIDIYU, naari mmusome Yohani 9:1-7. Avinyaka mwaakhule makoho enttharelana:
-
Etthu heeni yoopatxera Yesu aapankaawe, neereke waari omulamiharu mulopwana ole oohoona naari waari omulaleera mitthenka sooreera? — Munwehe Yohani 9:35-38.
-
Mwaha wa heeni munoonaanyu weera opatxera wawe Yesu omulamiha mulopwana ole, waamweeriha otthuna wiiwa mitthenka sooreera?
Ntakihero na Yesu ninnixuttiha eheeni?
2. Mutthu onkela otthuna wiiwelela mitthenka ninlaleyaahu wakhala weera owo ohoonelela weera ninnaapwattha.
Mutthareke ntakihero na Yesu
3. Mwiiheleke nipuro na mutthu owo. Mweerereke wiihela nipuro na mutthu owo ni muupuweleleke moota oniisoonelaawe.
-
Mwiikoheke ha: ‘Woonaru, maxupo heeni mutthu ola onvirihaawe? Mwaha heeni oneera onvare murima?’ Wuupuwelela itthu iya, onimookhaviherani nyuwo omureerela murima ni ompakela etthu eneera emukhavihere.
-
Munimoonihera weera munnaampwattha mutthu, mwiiwelelaka ele onhimaawe. Wakhala weera mutthu muraanyuno onnuuluma etthu naari maxupo onvirihaawe, muhimukwase masu mweereraka otxentxa mwaha awe.
4. Muulumeke mooreera murima ni mwa nttittimiho. Mwammorelaka ikharari mutthu mweekhaikhai, ekhove anyu ni moota munuulumaanyu enimoonihera eyo, ti wootthuneya othanla nnene masu munkelaanyu wuuluma ni wuupuwela moota munkelaanyu ohima ni musepeke wuuluma masu yaawo eneera envoreihe murima.
5. Mukhale ookhavihera. Nwehe, wakhala weera vannawereya, mpake etthu weera mmukhavihere mutthu owo. Omukhavihera mutthu mooreera murima pooti weeriha owera otthekula ni mutthu owo voohima sa Biblya.
NWEHE-THO
Arom. 12:15, 16; Agal. 6:10; Aheb. 13:16
