PAGTIKANG HA PAKIISTORYA
LEKSYON 3
Pagin Buotan
Prinsipyo: “An gugma . . . buotan.”—1 Cor. 13:4.
An Ginbuhat ni Jesus
1. Kitaa an VIDEO, o basaha an Juan 9:1-7. Katapos, batona an masunod nga mga pakiana:
-
Ano an siyahan nga ginbuhat ni Jesus—pagtambal ha buta o pagsangyaw han maopay nga sumat ha iya?—Kitaa an Juan 9:35-38.
-
Para ha imo, kay ano nga an tawo andam na mamati kan Jesus?
Ano an Aton Mahibabaroan kan Jesus?
2. An usa nga tawo magigin mas andam mamati ha aton mensahe kon nakikita niya nga interesado kita ha iya kaopayan.
Subara hi Jesus
3. Ipakita an empatiya. Hunahunaa kon ano an inaabat han usa nga tawo.
-
Pakianhi an imo kalugaringon: ‘Ano an bangin nababarak-an niya? Ano an posible nga makakabulig ha iya ngan maruruyagan niya?’ Mabulig ito ha imo nga maipakita an pagkabuotan ha sinsero nga paagi.
-
Ipakita nga interesado ka ha kon ano an importante ha usa nga tawo pinaagi ha pagpamati. Kon magsumat hiya han iya inaabat ha usa nga butang o problema nga iya gin-aatubang, ayaw bag-oha an topiko.
4. Magin buotan ngan matinalahuron ha imo panyakan. Kon nalolooy ka ha usa nga tawo ngan karuyag mo gud hiya buligan, maaabat ito ha paagi han imo pagyakan. Hunahunaa hin maopay kon ano ngan kon paonan-o mo ito iyayakan, ngan likayi an pagyakan hin nakakasakit.
5. Magin mabinuligon. Salingabota an higayon nga makabulig. Kon mabinuligon kita ha usa ka tawo mas daku an posibilidad nga makiistorya hiya ha aton.
