ᲩᲘᲔᲑᲐᲨ ᲓᲝᲭᲧᲐᲤᲐ
ᲒᲐᲙᲕᲔᲗᲘᲚ 3
სიკეთე
პრინციპ ბიბლიაშე: „ჸოროფა . . . ჯგირს აკეთენს“ (1 კორ. 13:4).
იესოშ მაგალით
1. ქუჯინ ᲕᲘᲓᲔᲝᲡ: ვარდა წეკითხ იოანეშ 9:1—7. უკულ დეფიქრ თუდო მოჩამილ კითხვეფშე:
-
ა) მუ აკეთ იესოქ პირველო — ოსქილიდუო თოლს ვარწყედუნ ფერ კოჩ დოვარ უქადაგ სახიოლო ამბე? (ქოძირ იოანეშ 9:35—38).
მუშ გურაფა შეილებ იესოშე?
2. მუჟამსით პიროვნება ქიგინანს, ნამდა მთელ გურით რექ თიშით დაინტერესებულ, მეტ შანს რე, ქუმოირჩქილუას.
მიაჸუნ იესოშ მაგალითის
3. გურშა ქიმიღ პიროვნებაშ გაჭირება. ქეცად, დუდ თიშ ადგილს წერმიდგინე.
-
ა) ქოკითხ სქან დუდის: „მუ შილებე თის აწუხენდას? მუქ შილებე მეხვარას ვარდა დაინტერესას?“ თე კითხვეფშე დაფიქრება მიგეხვარებ, ბუნებრივო დო მთელ გურით გეგმირჩქინე სიჯგირა თიშ მიმართ.
-
ბ) მუჟამსით პიროვნება მუშ გრძნობეფიშ ვარდა ოწუხებელიშ გურშენ ალალას გეჩიებ, შხვა თემაშა ვეგნიღა ჩიება. ყურადღებათ მორჩქილაფათ ქაძირანქ, ნამდა მთელ გურით რექ დაინტერესებულ თიშ მდგომარეობათ.
4. იჩი გემუანო დო პატიცემათ. მუჟამსით გაწუხენს თიშ მდგომარეობა დო მართალო მთელ გურით გოკო მეხვარე, თეს პიროვნება სქან ჩიებაშე ხოლო ძირუნს. ჯგირო ქიდეკვირ, მუს დო მუნერ ტონით თქუანქ. თიცალ მუთუნ ვა თქუა, მუთ შეურაცხყოფას ქიმიორინუანს თის ვარდა გურს მიკაბინუ.
5. ქიმეხვარ. ქიფიქრ, მუჭო შეილებ პრაქტიკულო მეხვარე. სიკეთეშ კეთებას შილებე ჯგირ ჩიებაქ ქუმაჸუნას.
ᲥᲝᲫᲘᲠ ᲗᲔ ᲛᲣᲮᲚᲔᲤ ᲮᲝᲚᲝ
(რომ. 12:15, 16; გალ. 6:10; ებრ. 13:16)
