TONA DISOLO
DILONGI 3
Monisa ntima mboti
Tsikudukusu: “Luzolo lufulukidi mu . . . mamboti.”—1 Ko. 13:4.
Diambu mbi Yesu kavanga
1. Tala VIDEO, voti tanga Yowani 9:1-7. Ayi tadileno biuvu biabi bilandikini:
-
Yesu mbi kateka tula—belusa meso ma phovo beni voti teka kunsamunina nsamu mboti?—Tala Yowani 9:35-38.
-
Bila mbi phila yo Yesu kafikiminina mutu beni yinsadisila kaluta yangalala yakula nsamu wumboti?
Dilongi mbi tubeki kuidi Yesu?
2. Mutu makaluta yangalala wa tsangu’eto enati mueni ti tulembo kitudi va buangu kiandi.
Sokudila Yesu
3. Monisa kadulu kikukitula va buangu ki mutu. Mekisa yindula bue mutu nio medengana kalembo kimuena.
-
Wukiyuvula: ‘Bulendakana, mambu mbi malembo ntatisa? Mbi kalenda mona bilenda kunsadisa ayi kunyangidika?’ Ngeyo kiyuvulanga biuvu biobi, biawu mabi sadisa wumonisanga ntima mboti mu phila yifuana ayi yikiedika.
-
Wufueti wa bumboti mutu muingi wumonisa ti wulembo kitudi va buangu kiandi, enati wukembi phila yo kalembo kimuena voti wukembi diambu dimosi kalembo dengana, soludileno kaka mu diambu beni ayi kadi bue balula dinkaka.
4. Tubila mu zanti ayi mu luzitu. Enati widi mutu weta yangalala monisa ntima kiadi ayi yangalala sadisa batu mu bukiedika, yawu mayi monikina mu phila yo weta tubila. Sobula ziphova ayi wuzitubila mu mbembo yi vumbama, ayi kadi tubila mambu mo malenda kumfuemisa.
5. Ba mutu wulusadusu. Tomba maluaku mafueni mo wufueti sadisila mutu beni mu ziphila zimboti. Vangila mambu mu zanti, yilenda zibula nzila mu tona disolo.
