KÁAJS A TSIKBAL
XOOK 3
Eʼes utsil
Le Bibliaoʼ ku yaʼalik: «Máax yaan u yaabilajeʼ [...] ku yeʼesik u yutsil» (1 Cor. 13:4).
¿Bix tu beetil Jesús?
1. Chaʼant le VIDEOOʼ, wa xok Juan 9:1-7. Tsʼoʼoleʼ ka tuukul tiʼ le kʼáatchiʼobaʼ:
-
1) ¿Baʼax tu yáax beetaj Jesús: u tsʼakik le máakoʼ wa u tsikbaltiktiʼ baʼax ku yaʼalik Dios? (Ilawil Juan 9:35-38).
¿Baʼax k-kanik tiʼ Jesús?
2. Maʼ xaaneʼ u yuumil najeʼ maas jeʼel u yuʼubikoʼon wa ku tsʼáaik cuenta jach tu jaajil taak k-áantikeʼ.
Beet jeʼex Jesúseʼ
3. Tsʼáaba tu lugar. Tuukulnen tiʼ bix u yuʼubikuba le máakoʼ.
-
1) Tukulte: «¿Baʼaxoʼob chiʼichnakkúuntik? ¿Tiʼ baʼax jeʼel u taaktal u tsikbaleʼ? ¿Baʼax jeʼel u yáantikeʼ?». Le kʼáatchiʼobaʼ yaan u yáantkech a wil bix jeʼel a weʼesik a wutsil tiʼ yéetel u jaajil a wóoleʼ.
-
2) Chʼenxikinte, beyoʼ ka weʼesiktiʼ taak a wáantik yéetel importante a wilik le baʼax ku tsikbaltikoʼ. Wa ku tsikbaltiktech bix u yuʼubikuba wa baʼax problemail yaantiʼeʼ maʼ a kʼexik le tsikbaloʼ.
4. Eʼes jatsʼuts modos, tʼaanen yéetel respeto. Yoʼolal bix a tʼaaneʼ le máax yéetel ka tsikbaloʼ ku tsʼáaik cuenta wa jach tu jaajil ka chʼaʼik óotsilil tiʼ yéetel wa taak a wáantik. Yéey tubeel baʼax ken a waʼale bey xan bix ken a waʼalil, kanáant maʼ a ofendertik.
5. Ilawil a wáantik. Kaxt bix jeʼel a wáantikeʼ. Wa ka weʼesik a wutsil tiʼeʼ maas jeʼel u tsʼáaik tuʼux a tsikbal tu yéeteleʼ.