BIZULÚ GUNIʼNÉ BINNI
LECCIÓN 3
Guca nachaʼhuiʼ
Principiu stiʼ Biblia: «Ti binni ni napa amor la? [ . . . ] nachaʼhuiʼ» (1 Cor. 13:4).
Ni biʼniʼ Jesús
1. Biiyaʼ VIDEU RIʼ o biindaʼ Juan 9:1-7. Despué guníʼ ique ni ná ca pregunta riʼ:
-
¿Xi biʼniʼ Jesús primé: bisiándabe hombre ni qué ruuyaʼ que la? o guníʼnebe laa de ca noticia galán? (Biiyaʼ ni ná Juan 9:35-38).
¿Xi rusiidiʼ ejemplu stiʼ Jesús laanu?
2. Zándaca jma zucaadiaga binni laanu pa guni sentircaʼ dxandíʼ rizaaláʼdxinu laacaʼ.
Yenanda ejemplu stiʼ Jesús
3. Biʼniʼ sentir ni cayuni sentir binni. Biʼniʼ stipa guiníʼ íqueluʼ ximodo cayuni sentir binni ca.
-
Guníʼ ique: «¿Xi zándaca riguu xizaa laabe? ¿Xi raʼbuʼ riuuláʼdxibe o zanda gacané laabe?». Zacané ca pregunta riʼ lii gácaluʼ nachaʼhuiʼ ne güíneluʼ binni diidxaʼ galán.
-
Bicaadiaga chaahuiʼ binni ca ti gúʼyabe dxandíʼ peʼ nuuluʼ gánnaluʼ xi naguu xizaa laabe. Ne pa guzulú gábibe lii ximodo cayuni sentirbe o xi guendanagana nápabe, cadi guchaaluʼ de diidxaʼ.
4. Guníʼ né diidxaʼ nadóʼ ne respetu. Ora rianu ti binni ne nápanu gana gacanenu laa, ruyúbinu modo guininu. Nga runi, guníʼ ique xi chiguiniʼluʼ ne ximodo chigúniluʼ ni. Cadi guiniʼluʼ xiixa ni zándaca guniná binni.
5. Gucané. Ora ganda la? gucané binni ca. Pa gúniluʼ xiixa pur laabe la? zacané nga lii para ganda guzulú guiníʼneluʼ laabe.
