MMƖLƖ MƆ ƆBƆƆ NKƆMMƆWƆLƐ TƲ
OZUMALƐDƖYƐ 4
Da Kãnwʋazɩ Ali
Egyinalɛzʋ-odwokɔ: “Bɛhã bɔ nwʋ azɩ bɛma bɔ nwʋ na mʋnlʋmmɔ bɔdwɩnɩ kɛɛ bɔ ɔhɔnwʋmmɔ bɛdɩ baaba bɛtɛla mʋnlʋmmɔ.”—Fɩl. 2:3.
Mɔɔ Pɔɔlʋ Yɛlɩ
1. Kila VIDIYO yi, anzɛnyɩɩ kɩnga Egyima 26:2, 3. Akʋ̃ bozunzu ndwokɔɣizialɛ mɔɔ ilili ɔzʋlɔ yɩ nwʋ:
-
Mɩnla ɔhʋanɩ zʋ yɛ Pɔɔlʋ lalɩ kãnwʋazɩ ali wɔ kezimɔ ɩdɩndɛnlɩ ihileli Bulombunli Agɩlɩpa nɩ a?
-
Kɛ ankɩ Pɔɔlʋ kɔhwɩ̃ adwɩnɩ kɛɣa yɩzayɩ yɩ nwʋ zʋ nɩ, mɩnla ɔhʋanɩ zʋ yɛ ɩhwɩnlɩ adwɩnɩ hɔlɩ Gyehova nɩɩ Bayɩbʋlʋ yɩ zʋ a?—Kila Egy. 26:22.
Mɩnla Yɛ Yesuma Wɔ Pɔɔlʋ Kɛnɩ a?
2. Sɛ yɛtɩndɛ wɔ kãnwʋazɩ nɩɩ annidi ɔhʋanɩ zʋ a, ɩma mmenii anyɩ deli yɛ odwokɔ yɩ nwʋ.
Sumazuma Pɔɔlʋ
3. Tɩndɛ wɔ annidi ɔhʋanɩ zʋ. Máma inyia adwɩnɩ kɛɛ ezi dɩyɛ bela na mɛyɩ mɛyɩ, ízi hwɩɩ. Ɛ nɩɩ yɩ dɩndɛ wɔ annidi ɔhʋanɩ zʋ.
4. Ma ɩnwʋ yɩ petee kɛɛ mɔɔ ekilehilee nɩ zʋ̃ Bayɩbʋlʋ yi nu. Nyamɩnlɩ yɩ Odwokɔ yɩ kɔhʋla kɛhã mmenii mvʋlɔ bo nzunzunlɩyɛ nɩɩ bɛ nɣanlɩdɩlɛ. Sɛ yɛfa Bayɩbʋlʋ yɩ yedi egyima a, nɩ yɛmaa bekenyia dedi wɔ Nyamɩnlɩ yɩ Odwokɔ yi nu na kɛ amɩyɛzayɛ yɛ ndwokɔ nu a.
5. Kã wʋ nwʋ azɩ. Áma ɔtwɩ̃ ndwokɔ nu nkʋ̃ʋ̃ kɛɛ mɔɔ ɛkãã nɩ yɛ ɩdɩ nɔhʋanlɛ a. Yɛábɛ kɛɛ yekozũ pɩla. Sɛ ɛyɛ dinyii na ɔnwʋ mmɩlɩ mɔ ɩsɛ kɛɛ ɔzʋ̃ kɛnɩ ɛyɩ wʋ nwʋ a, nɩ ikile kɛɛ ɛkã wʋ nwʋ azɩ. (Ɛɣɛ. 17:14; Tay. 3:2) Sɛ yɛzʋ̃ kãnwʋazɩ nu yɛtɩndɛ a, ebiye a, ɩkɛma ikediye yɛ eɣile fʋlɔ.
