LÉ ÀWƐ ATƆ SEŊ KANKAN JI NYWIÐE
ENUKPLAKPLA 4
Amɛɖekisɔsɔhwe
Gɔnmɛɖose: “Amɛɖekihwehwe le dɔ nɔ amɛ ɖeka ɖeka a kpɔnɔ yi kpena shigbe amɛ ci yí le ŋkɔ ni ɛnɛ.”—Fili. 2:3.
Lé Pɔlu Wɛ Do
1. Kpɔ VIDEO lɔ, alo hlɛn Edɔwawawo 26:2, 3. Le yi goduɔ, gbeje nyɔbiɔse ciwo yí gbɔgbɔ mɛ:
-
Lé Pɔlu dɔn susu yi Yehowa koɖo Enuŋwlɛŋwlɛ lɔwo ji sɔwu yiŋtɔ doɔ?—Kpɔ Edɔwawawo 26:22.
Nyi Mìkpla So Pɔlu Kpɔwɛ Lɔ Mɛɔ?
2. Amɛwo akpɔnɔ nyɔnɔnwi lɔ koɖo ŋkuvi nywi, nɔ mìxonɔ nuxu le bubu koɖo amɛɖekisɔsɔhwe mɛ.
Sran Pɔlu
3. Xonɔ nuxu koɖo bubu. Ŋgbewanɔ nu shigbe mɔ ènya enu ɖeshiaɖe yí mɛbuwo denya ŋɖe nɛ o.
4. Le ze petii mɔ Bibla mɛ yí ao nukplamuwo so. Mawu Nyɔ lɔ ɖɔ koɖo nukpamu vevi ciwo yí atɛnŋ atrɔ amɛwo susuwo koɖo wowo nuwanawo. Nɔ mìzinniɔ, mìacu wowo xɔse do gɔnmɛɖokpe sɛnŋsɛnŋ ji.
5. Kpɔtɔ awanɔ nu le fafa mɛ. Ŋgbetenɔ kpɔ mɔ yeadasɛ dandan mɔ ye nyɔ jɔ o. Mìdejinɔ mɔ mìahwlɛn aɖe koɖo amɛwo o. Nɔ aɖe hwlɛnhwlɛn vaɖo mɛɔ, nɔ kpuu yí awa ɖɔɖɔ aso le wo gbɔ. (Elo. 17:14; Titu 3:2) Nuxuxoxo le fafa mɛ, atɛnŋ ahun emɔ nɔ seŋkankan le gabumɛ.