КУУЧЫНДЫ БАШТАГАР
4 УРОК
Јобош болоры
Библиялык принцип: «Бойыгар керегинде јобош сананып, ӧскӧ улусты бойыгардаҥ бийик деп бодогор» (Флп. 2:3).
Павел нени эткен?
1. ВИДЕО кӧрӱгер эмезе Апостолдордыҥ ижи 26:2, 3 кычырыгар. Оноҥ бу сурактарды шӱӱп сананыгар:
-
а) Агриппа каанла куучындашкан тушта Павелдиҥ јобожы недеҥ кӧрӱнген?
-
б) Павелдиҥ айткан сӧстӧринеҥ ол ајаруны бойына эмес, карын Иеговага ла Кудайдыҥ Сӧзине эткен деп канайып кӧрӱнет? (Апостолдордыҥ ижи 26:22 кӧрӱгер.)
Павелдеҥ неге ӱренедис?
2. Јобош болуп, кижиге тоомјылу баштанзаас, ол бисти кӱӱнзеп угар.
Павелдеҥ тем алыгар
3. Билееркебегер. Сӧстӧрӧӧрдӧҥ слер ле ӱзе билереер, је кижи нени де билбес деп кӧрӱнбезин. Тоомјылу куучындажыгар.
4. Сӧстӧрӧӧр Агару Бичиктеҥ деп кӧрӱнип турзын. Андагы Кудайдыҥ шӱӱлтелери кижиниҥ јӱрегин томултар аргалу. Оныҥ учун јаантайын Агару Бичикти тузаланып турзаас, кижиниҥ бӱдӱмјизи бистиҥ сӧзиске эмес, је чын тӧзӧлгӧгӧ — Кудайдыҥ Сӧзине — тӧзӧлӧнӧр.
5. Јымжак болугар. Бойоордыҥ кӧрӱмеерди кижиге албадабагар ла сӧс блаашпагар. Јаантайын токуналу болуп, качан јӱре беретенин билип туругар. Мынаҥ слердиҥ јобош болгоноор кӧрӱнер (Укаа 17:14; Титке 3:2). Јымжак болзоос, келер тушта кижи бисти угар болор.
