СӨҺБӘТӘ БАШЛАМАГ
ДӘРС 4
Тәвазөкарлыг
Принсип: «Тәвазөкар олуб башгаларыны өзүнүздән үстүн сајын» (Филип. 2:3).
Һәвари Булусун гојдуғу нүмунә
1. ВИДЕОЈА бах вә ја Һәвариләрин ишләри 26:2, 3 ајәләрини оху. Сонра исә нөвбәти суаллар үзәриндә дүшүн:
-
а) Агриппа илә данышанда Булусун тәвазөкар олдуғу неҹә ҝөрүндү?
-
б) Булус диггәти өзүнә јох, Јеһоваја вә Мүгәддәс Китаба неҹә јөнәлтди? (Һәвариләрин ишләри 26:22 ајәсинә бах.)
Һәвари Булусдан нә өјрәнирик?
2. Тәвазөкар вә һөрмәтҹил тәрздә данышсаг, чатдырдығымыз мүждә инсанлара даһа хош ҝәләҹәк.
Һәвари Булус кими давран
3. Инсана хор бахма. Данышығындан елә чыхмасын ки, сән һәр шеји билирсән, гаршындакы инсан исә һеч нә билмир. Инсанла һөрмәтҹил тәрздә даныш.
4. Данышдығын сөзләрин мәнбәјинин Мүгәддәс Китаб олдуғу билинсин. Аллаһын Кәламы инсанын үрәјинә тәсир етмәјә гадирдир. Биз ондан истифадә едәндә инсанын иманыны доғру тәмәл үзәриндә гурмуш олуруг.
5. Мүлајим ол. Өзүнү һаглы чыхармаға чалышма. Мүбаһисә етмә. Һәмчинин тәмкинли олмағын вә сөһбәти узатмамағын тәвазөкар олдуғуну ҝөстәрәҹәк (Мәс. 17:14; Тит. 3:2). Бу ҝүн биз инсанла мүлајим данышсаг, бәлкә дә, о, сабаһ мүждәјә гулаг асаҹаг.
