BÔDÔL NKWEL
YIGIL 4
Suhulnyuu
Litiñ: “Lôñni suhulnyuu, ni neebege le bape ba nloo bé.”—Filipi 2:3.
Kii Paul a bi boñ
1. Béñge VIDÉÔ, tole añ Minson mi baôma 26:2, 3. I mbus, timbhe mambadga mana:
-
Lelaa Paul a bi unda suhulnyuu i ngéda a bé pôdôs Kiñe Agripa?
-
Lelaa Paul a bi unda le a nti Yéhôva ni Bañga yé lipém iloo nyemede?—Béñge Minson mi baôma 26:22.
Kii ndémbél i Paul i niiga bés?
2. Bôt ba nla ba bebee i emble bés ibale di mpôdôs bo ni suhulnyuu, di tinak bo lipém.
Kôna Paul
3. Boñ bañ le ba nôgda wee u nloo bo. U tinde bañ mut i hoñol le u nyi mam momasôna, ni le nye a nyi bé to yom. Ndi unda nye le u nti nye lipém.
4. Unda bôt le maliga u yé niiga bo ma nlôl i Bibel. Bibel i gwé biniigana bi bi nla tihba miñem mi bôt. I ngéda di ngwélél yo inyu niiga bôt, hémle yap i gwé bañga hikuu.
5. Bana ñemlima. U kida bañ i ngandak nkaa, i unda le i yom u nkal yon i yé. Di nyéñ bé jôp i pééna ni bôt. Suhulnyuu i mbat le u yén nwee, ibale mam ma nsômbôl bep, nyodi u kee. (Bingéngén 17:14; Titô 3:2) Ndimbhe yoñ ilam i nla boñ le a leege lôk kéé lisañ lipe.
