MAMULAI PAKKATAION
PARSIAJARAN 4
Patudu ma Serep ni Roha
Prinsipna: “Alai toruk ma rohamuna, jala sangap ma bahen tu na asing.”—Plp. 2:3.
Aha do na Diulahon si Paulus?
1. Tonton ma VIDEO, manang jaha ma Ulaon ni Apostel 26:2, 3. Dung i pikkirhon ma sukkun-sukkun on:
-
Songon dia do si Paulus patuduhon serep ni roha tikki makkatai tu Raja Agrippa?
-
Aha do na patuduhon molo si Paulus berfokus tu Jahowa dohot tu Surat na Badia, dang tu dirina sandiri?—Ida ma Ulaon ni Apostel 26:22.
Aha do Parsiajaranna?
2. Gabe lam tertarik do akka halak manangihon barita na tapasahat molo serep rohatta jala tapatudu na taargai nasida tikki makkatai.
Tiru ma si Paulus
3. Argai ma na asing. Sian caramuna makkatai unang ma dibahen hamu hira na diboto hamu sude, jala donganmuna makkatai dang mamboto agia aha. Sopan ma hamu tikki makkatai.
4. Patudu ma na sian Bibel do ajaran na dipasahat hamu. Ajaran ni Bibel boi do hona tu roha ni akka halak. Jadi molo tapakke i, gabe boi ma togu haporseaon ni nasida tu Bibel.
5. Toktong ma lambok. Dang olo hita berdebat. Alani i, unang ma berupaya hamu mambuktihon na sittong hamu. Molo serep rohamuna gabe boi ma hamu toktong tenang jala boi mamboto tikki na cocok lao paujukkon pakkataion. (Poda 17:14; Tit. 3:2) Molo lambok hita mangalusi, mungkin gabe olo ma ibana manangihon barita na tapasahat di tikki na asing.
