IFYO MWINGATENDEKA UKULANSHANYA
ISAMBILILO 4
Ukuicefya
Ishinte lye funde: “Mwali-icefya pantu mumona bambi ukuti balimucila.”—Fil. 2:3.
Ifyo Paulo Acitile
1. Tambeni VIDIO, nelyo belengeni Imilimo 26:2, 3. Lyena lanshanyeni amepusho yakonkapo:
-
Bushe Paulo alangile shani ukuti ali uwaicefya ilyo alelanda ku Mfumu Agripa?
-
Bushe Paulo alangile shani ukuti amashiwi alelanda tayali yakwe, lelo yafumine kuli Yehova na mu Malembo?—Moneni Imilimo 26:2, 3.
Finshi Tulesambilila Kuli Paulo?
2. Abantu balakutika ku fyo tulelanda nga ca kuti tuli no mucinshi kabili natuicefya.
Mulepashanya Paulo
3. Muleba no mucinshi pa kulanda. Mwilalenga calamoneka kwati imwe namwishiba fyonse lelo abo mulelandako tabeshibepo nangu cimo.
4. Muleleka abantu baishiba ukuti ifyo mulelanda filefuma mu Baibo. Ifyaba mu Cebo ca kwa Lesa kuti fyalenga abantu ba-aluka mu fyo batontonkanya ne fyo bomfwa. Nga tulebomfya Icebo ca kwa Lesa tukalenga bakabe ne citetekelo icakosa.
5. Muletwalilila ukuba abafuuka. Mwilafwaya fye abantu basumine ifyo mulelanda. Tatufwaya ukuumana na bantu. Nga mwatwalilila ukutekanya mukalanga ukuti mwali-icefya, kabili mukeshiba inshita iisuma iya kufumapo. (Amapi. 17:14; Tito 3:2) Nga mwatwalilila ukuba abatekanya nalimo inshita imbi kuti mwaisalanshanya bwino.
