BARO DAMINƐ MƆGƆW FƐ
Kɛwalew 26:2, 3
KALANSEN 4
Majiginnenya
Sariyakolo: “Aw bɛɛ ka aw yɛrɛw majigin, k’a jate ko aw mɔgɔɲɔgɔnw ka fisa ni aw yɛrɛw ye.”—Filipekaw 2:3.
Paul ye min kɛ
1. WIDEYO lajɛ, walima Kɛwalew 26:2, 3 kalan. O kɔ, nin ɲininkali ninnu sɛgɛsɛgɛ:
Paul ka misali bɛ an kalan mun de la?
2. An bɛ ka cikan min lase, o bɛ diya mɔgɔw ye kosɛbɛ ni an bɛ kuma ni majiginnenya ani bonya ye.
Paul ladege
3. Kuma ni bonya ye. Kana a kɛ iko e de bɛ fɛn bɛɛ dɔn ani ko i barokɛɲɔgɔn tɛ fosi dɔn.
4. A jira k’a jɛya ko i bɛ ka tiɲɛ kuma minnu fɔ mɔgɔw ye, ko olu bɛ Bibulu de kɔnɔ. Ala ka Kuma bɛ se ka nɔ ɲuman bila mɔgɔw miiricogo ani u dusukunnakow la. Ni an bɛ baara kɛ ni Ala ka Kuma ye walasa ka mɔgɔw kalan, u ka dannaya bɛ sinsin jusigilan ɲuman kan.
5. I dusu madalen ka to. Kana a ɲini ka sɔsɔli kɛ walisa k’a jira cogo bɛɛ la ko jo bɛ e de fɛ. I bɛ majiginnenya jira ni i bɛ ta’a fɛ ka i dusu mada ani ni i bɛ i taa tuma dɔn. (Ntalenw 17:14; Tite 3:2) Ni i dusu madalen kumana, o bɛ se k’a to a tigi ka sɔn ka an ka cikan lamɛn siɲɛ wɛrɛ.
NINNU FANA LAJƐ
Romɛkaw 12:16-18; 1 Kɔrɛntekaw 8:1; 2 Kɔrɛntekaw 3:5