A NƖ TƐƐ ˈDƖSƐSƲ
ˈCƖƐCƖƐKÏBHË 4
A nɩ ˗lɛ aɲɩ dʋdʋ ˈwʋ
ˈPäpägbaa: “A ˈbhɩa a ˈyila ˈklʋ, a nɩ ˗lɛ aɲɩ ˗dɔ ˈwʋ.”—Fili. 2:3.
ˈSaa Pɔɔlʋ nʋ ɔ ˈnɩ?
1. A nɩ ylɛ VIDEO, a ˗käˈɛ ˗waa, a nɩ zɛlɩ Nʋnʋlii 26:2, 3 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:
-
(1) Pɔɔlʋ ˗ɲɛ ˈbhlɩlowli Aglipaa ˈsɔ ˗wʋ a˗a bhïla dɔˈwʋʋ, sɛ ɔ ˗lɛ ɔ ɔɲɩ dʋdʋ ˈwʋ ˈnɩ?
-
(2) Sɛɛ Pɔɔlʋ tula ɔ nɩɩ ˈsaa ɔ bhïlaa, ɔˈbhë ˈmö yɩ ˈnɩɛ ˈmö ˈbhöönɩ, ˗maa Zoova ˈmö yɩ ˈbhöönɩɛ ˈmö ˈnɩ?—Yɩlɩ ˗mä Nʋnʋlii 26:22 ˈmö.
ˈSaa ˗a cɩɛ ɔ Pɔɔlʋ a dɛ ˈnɩ?
2. ˗A ˗kä ˗aɲɩ dʋdʋ ˈwʋ ˗lɛ, ˈn ˗a ˗käˈɛ ˈklʋkpamözʋsɛ bhïlaa, ˗muë ˗a ɲɛɛ lagɔwɛlɩɩ, wa ˗yiɲɩ sasɛ ˈyukwli ˗pʋnɩ.
˗Gänɩ Pɔɔlʋ a gbäpöö
3. A nɩ bhïla ˈklʋkpamözʋsɛ. A nɩ ˈnɛmanɩ aɲɩ ˈwʋ, a nɩ tɩ tula nɩɩ abhʋa ˗yiɛ ˗lii ˈwuë a ˈkʋa ˈwʋ zi. ˈA bhïlabhïlasaa nɩ tula nɩɩ a zʋä ˈklʋkpamö.
4. A nɩ tula nɩɩ gbëawɛlɩɩ a ˗wʋä ˈɲɛ dɔˈwʋʋ, Biblë ˈmö ˗mä yɩ ˈbhöönɩɛ. Wɛlɩɩ a ˗mi ˈbhöönɩɛ Lagɔ ˈmö, ˗yɩ zɩɛ nɩkpa a dila cɛ, mii ˗wʋä ˗mä Biblë ˈmö. A ˗kä Biblë ˈmö ghlɛnɩ, yɩ yʋä kwänɩ ˈn wa yi Lagɔ dlɩ ˈtɛɛnɩ.
5. A nɩ kä dlɩwätɛ. A ˗ɲɛ nɩkpɛ ˗kä bhïla dɔˈwʋ ˗wʋʋ, a nɩ tɩ tula nɩɩ abhʋa kää klɩpaa zugo. A ˗ɲɔ ˈsɔ, a nɩ tɩ kpɛnɩ. A nɩ ˗lɛ aɲɩ dʋdʋ ˈwʋ, ˈa ŋli a wɛlɩɩ nɩ ˗wʋ ˗pälɛpälɛ. ˈN a nɩ ˗yi ˈtɛɲɩ ˗mɛ ˈmö a ˈkɔɔ yɔwʋ ˈbhöö. (Prov. 17:14; Ti. 3:2) A ˗kä dlɩwätɛsɛ bhïlaa, a ˗kä zlɩ ˗mɛmɛɛ ˈmö yii, ɔ yeaɲɩ päla ˈn ɔ yeaɲɩ ˗kamä sasɛ ˈyukwli ˗pʋnɩ.
