MBENAKEN PERCAKAPEN
PELAJAREN 4
Meteruk Ukur
Prinsipna: “Alu meteruk ukur anggaplah kalak si deban ganjangen asangken kena.”—Pil. 2:3.
Kai si Ilakoken Paulus?
1. Tontonlah VIDEO, ntah baca Perbahanen Rasul-Rasul 26:2, 3. Kenca si e, ukuri penungkunen-penungkunen enda:
-
Kai buktina Paulus meteruk ukur sanga ngerana ras Raja Agripa?
-
Kai buktina maka ate Paulus Jahwe ras kataNa min si iperdiateken kalak, labo ia?—Nen Perbahanen Rasul-Rasul 26:22.
Kai Pelajarenna?
2. Reh nggitna kalak megiken beritata adi meteruk ukur ras sopan kita ngerana.
Usihlah Paulus
3. Ula sepeleken kalak. Sanga kam ngerana ula tempa-tempa tehndu kerinana janah kalak si ajakndu ngerana la tehna kai pe. Sopanlah kam ngerana.
4. Cidahken maka kai si ipesehndu rehna arah Pustaka. Kata Dibata banci kena ku pusuh kalak. Adi sipake Kata Dibata, banci sibangun kinitekenna i datas pondasi si paguh.
5. Tetaplah lembut. Ula nggit sijawapen guna mbuktiken maka kita benar. Adi meteruk ukur kita, tetap kita tenang janah siteh ndigan kita perlu ndungi percakapen. (Kua. 17:14; Tit. 3:2) Adi lembut kita ngerana, banci saja nggit ia megiken kita bas kesempaten si deban.
