TACHAPAʼ TZIJ
NAʼOJ 4
Ma tanaʼ ta awiʼ
Ri nuʼij le Biblia: «Tiqasaj iwiʼ y titzʼetaʼ chë ri nkʼaj chik kʼo más kiqʼij chiwäch rïx» (Filip. 2:3).
Ri xuʼän Pablo
1. Tatzʼetaʼ ri VIDEO o taskʼij ruwäch Hechos 26:2, 3. Chrij riʼ, taquʼ kij re kʼutunïk reʼ:
-
¿Achkë rubʼanik xkʼüt Pablo chë ma nunaʼ ta riʼ rkʼë ri rubʼanik xtzjon rkʼë ri qʼatöy tzij Agripa?
-
¿Achkë xuʼän Pablo rchë yë Jehová chqä Ruchʼaʼäl xyaʼöx kiqʼij, y ma yë ta ryä? (Tatzʼetaʼ Hechos 26:22).
¿Achkë nqatamaj qa chrij Pablo?
2. Ri winäq más xtuʼij riʼ kan yojkikʼoxaj we ma nqanaʼ ta qiʼ chqä ma nqaqasaj ta kiqʼij taq nqtzjon kikʼë.
Takʼamaʼ anaʼoj chrij Pablo
3. Ma taʼän ta chë ri winäq nuquʼ chë rït más aqʼij chwäch ryä. Ma taʼän ta chë ri winäq nuquʼ chë rït ataman jontir y chë ryä majun retaman ta. Majun bʼëy taqasaj ta ruqʼij taq yatzjon rkʼë.
4. Kan tqʼalajin chë ri nakʼüt chpan le Biblia alenäq wä pä. Ri Ruchʼaʼäl Dios nkowin nujäl ri nunaʼ chqä ri nuquʼ jun winäq. Taq nqaksaj le Biblia, yeqatoʼ ri winäq rchë chrij Ruchʼaʼäl Dios nkikʼuqbʼaʼ wä kikʼuʼx y ma chrij ta ri nqaʼij röj.
5. Ma tkatäj ta ayowal. Ma tatäj ta aqʼij chrij jun winäq rchë nqʼalajin chwäch chë yït rït ri kantzij yatzjon. Röj ma nqbʼä ta kikʼë ri winäq rchë nqabʼebʼanaʼ chʼaʼoj. Ri ma xtqanaʼ ta qiʼ xtqrtoʼ rchë ma xtpë ta qayowal chqä rchë nqatamaj ajän (jampeʼ) ütz nqbʼä äl (Prov. 17:14; Tito 3:2). We rït kan pa rubʼeyal yatzjon rkʼë ri winäq chqä ma npë ta ayowal, rkʼë jbʼaʼ jun chik qʼij más xtrajoʼ xtqrkʼoxaj.
