RĚHNYÔRE ÖM VË-EKŪÖ TARIK
Inl. 26:2, 3
LESÖN 4
Hayāichngöre
Lökngörit Chööngö: “Im inyāichngö ellōn pöri, kö taṙeūḵ tölōnre tö yip tahëng.”—Filip. 2:3.
Sitih Inlahen Ök Pôl
1. Meuk ngam VITIŌ, hönglöö vë-evkūö ngam Inlahen 26:2, 3. Ngaich fēkö në intöönö:
Asuh Öp Haköplö Hī In Pôl?
2. Hōḵ min yip tarik nö vënyu nang tö hī yēḵ hī öi hayāichngöre hēk holtö milēḵṙen re inrē öi vë-ekūö cha.
Sitih Inlahen Öi Min Asīnken Pôl
3. Um Aṙē-ěv tī tö ngam vahë-ekūö re. Um hameuktöre öm höng më-eṅ tö keuheūtlöre mikahkūö, ngaich öt hēngö mikahkūö ngam vahë-ekūö meh. Holtö minlēḵṙen re pöri öm vë-ekūö ò.
4. Löknyö imat ngam Paipöl ṙô öm ṙô-òv. Tö lökngöre ellōn tī an ngam Ṙô ngam Tēv. Lökten nöng hòṅ löknyö imat e nup ṙô hī yěi ṙô-òvö. Yēḵ ngam tarik min nö meukö hī öi höng löknyö imat ngam Paipöl ṙô ngaich ngönlöre min ngam ṙinātö-ellōn ò nö im Paipöl.
5. Um lā-alkūö ngam vahë-ekūöre. Um timlö alaha ngam vahë-ekūöre nö ṙātö-ellōnre tö minë ṙô meh. Hòṅ holtö ṙanëmen re pöri öm vë-ekūö ò. Yěm meukö nā an sā tö hòṅ lā-alkūöre, höng kiröönngöre më-eṅ. (Inch. 17:14; Tai. 3:2) Yēḵ meh min öm öt lā-alkūö ngam vahë-ekūöre, ngaich pi-a min anga-aṅ nö hang ṙô meh ip tahëng ṙētak.
NGËICHKÖ NË INRĒ
Rōm. 12:16-18; 1 Kòr. 8:1; 2 Kòr. 3:5
