SI TA PRINCIPIA MAN CUENTO
LECCION 4
Humildad
Principio: “Precura hace todo con humildad.”—Fil. 2:3.
Si Cosa Ya Hace si Pablo
1. Mira con el VIDEO o le con el Maga Actividad 26:2, 3, NWT. Despues, considera con el siguiente pregunta:
-
Cuando yan cuento si Pablo con Rey Agripa, paquemodo le ya dale mira que humilde le?
-
Cosa ya hace si Pablo para guinda el atencion del maga gente con Jehova y na Escritura en vez con ele?—Mira con el Maga Actividad 26:22.
Cosa Kita Puede Aprende con Pablo?
2. Hay queda mas interesao el maga gente na diaton mensaje si man cuento kita con humildad y con respeto.
Imita con Pablo
3. Converza con respeto. Evita dale el impresion que sabe tu el todo y nuay cosa sabe el persona con quien tu tan cuento.
4. Hace claro que estaba na Biblia el cosa tu ta enseña. El Palabra del Dios puede afecta con el manera si paquemodo ta pensa y ta sinti el maga gente. Si ta usa kita con ese, ta ayuda kita kanila para tene fe na Palabra del Dios y gendeh na cosa kita ta habla.
5. Esta calmao. No pricura dale mira que justo tu. No quierre kita man purpiajan. Ta dale kita mira que humilde kita si ta esta kita calmao y si sabe kita si cuando sale. (Prov. 17:14; Tito 3:2) Si calmao kita man cuento, posible que el persona hay oi con el diaton mensaje na otro tiempo.
