DIHANG MAGSUGOD UG PANAG-ESTORYA
LEKSIYON 4
Mapainubsanon
Prinsipyo: “Magpaubos mo ug isipa ang uban nga labaw kay kaninyo.”—Filip. 2:3.
Ang Gihimo ni Pablo
1. Tan-awa ang VIDEO, o basaha ang Buhat 26:2, 3. Dayon konsideraha ang mosunod nga mga pangutana:
-
Giunsa pagpakita ni Pablo nga mapainubsanon siya sa iyang paagi sa pagpakig-estorya kang Haring Agripa?
-
Unsay gihimo ni Pablo aron mapokus ang atensiyon kang Jehova ug sa Kasulatan imbes sa iyang kaugalingon?—Tan-awa ang Buhat 26:22.
Unsay Atong Makat-onan Kang Pablo?
2. Ang atong mensahe mas makapainteres dihang ato ning isulti sa mapainubsanon ug matinahoron nga paagi.
Sundoga si Pablo
3. Sulti sa matinahoron nga paagi. Ayawg ipakita nga morag nahibalo ka sa tanan ug nga ang imong kaestorya walay nahibaloan.
4. Ipakita nga gikan sa Bibliya ang imong ginatudlo. Ang Pulong sa Diyos makatandog sa kasingkasing sa mga tawo. Dihang ato ning gamiton, molig-on ang pundasyon sa ilang pagtuo.
5. Ipakita ang kalumo. Ayawg ipamugos nga sakto ang imong ginaingon. Dili nato gustong makiglalis. Ipakita ang pagkamapainubsanon pinaagi sa pagpabiling kalmado ug sa pagbiya kon gikinahanglan. (Prov. 17:14; Tito 3:2) Kon lumo ang atong tubag, basin maminaw na siya sa sunod nga higayon.
