KONMANS EN KONVERSASYON
LESON 4
Annan limilite
Prensip: “Avek limilite konsider lezot pli siperyer ki zot.”—Fili. 2:3.
Sa ki Pol ti fer
1. Get sa VIDEO oubyen lir Akt 26:2, 3. Apre reponn sa bann kestyon swivan:
-
Ki mannyer Pol ti montre ki i annan limilite ler i ti koz avek Lerwa Agripa?
-
Ki mannyer Pol ti atir latansyon lo Zeova e lo Labib olye lo son prop lekor?—Vwar Akt 26:22.
Ki nou aprann avek Pol?
2. Nou mesaz i pli atiran ler nou koz avek limilite ek respe.
Fer parey Pol
3. Koz avek respe. Evite donn lenpresyon ki ou konn tou keksoz e ki sa dimoun pa konn nanryen.
4. Fer kler ki sa ki ou pe dir i sorti dan Labib. Parol Bondye i kapab annan en lefe lo santiman en dimoun e lo lafason ki i panse. Ler nou servi Parol Bondye, nou pe met en bon fondasyon pour batir zot lafwa.
5. Annan ladouser. Pa ensiste ki sa ki ou pe dir i byen. Nou pa anvi dispit. Demontre limilite, reste kalm e konnen kan i’n ler pour kit sa landrwa. (Prov. 17:14; Tit 3:2) Si nou koz avek ladouser, petet en lot fwa sa dimoun pou ekout nou mesaz.
