¿BAJCHEʼ MIʼ MEJLEL A TECH TʼAN?
LECCIÓN 4
Pʌsʌ a pecʼlel
Texto baqui chucul: «Yicʼot laʼ pecʼlel yom mi laʼ ñaʼtan chaʼan jiñi yambʌlob ñumen ñucob bajcheʼetla» (Filip. 2:3).
Tsaʼ bʌ i mele Pablo
1. Qʼuele jiñi VIDEO o pejcan Hechos 26:2, 3. Cheʼ jiñi ñaʼtan ili cʼajtiya tac:
-
¿Bajcheʼ tsiʼ pʌsʌ i pecʼlel Pablo cheʼ bʌ tsiʼ chaʼle tʼan yicʼot jiñi rey Agripa?
-
¿Chuqui tsiʼ mele Pablo chaʼan miʼ yʌqʼuentel i ñuclel Jehová yicʼot jiñi Tsʼijbujel, i mach jiñic miʼ yʌcʼ i bʌ ti qʼuejlel ti ñuc? (Qʼuele Hechos 26:22).
¿Chuqui mi laj cʌn tiʼ tojlel Pablo?
2. Jiñi lac piʼʌlob mi caj i mulañob i ñʌchʼtan jiñi wen tʼan mi yicʼotʌch lac pecʼlel mi lac chaʼlen tʼan yicʼot wen jach bajcheʼ mi lac mel.
Lajin Pablo
3. Mach a wʌcʼ ti ñaʼtʌntel chaʼan ñumen ñuquet. Mach a wʌqʼuen i ñaʼtan jiñi woli bʌ a pejcan chaʼan maʼañic chuqui yujil i chaʼan jatet luʼ a wujilix. Wen jach yom maʼ pejcan.
4. Pʌsʌ chaʼan loqʼuemʌch ti Biblia jiñi woli bʌ a wʌl. Jiñi Biblia tilemʌch ti Dios i miʼ mejlel ti cʼotel tiʼ pusicʼal lac piʼʌlob. Cheʼ bʌ mi laj cʼʌn, mi laj coltañob chaʼan jiñi muʼ bʌ i ñopob yaʼʌch chucul ti Biblia i mach jiñic ti chuqui mi la cʌl.
5. Mach a cʌy a pʌs a wutslel. Mach jiñic yom maʼ chaʼlen wersa a pʌs chaʼan i sujmʌch chuqui woli a wʌl. Mach la comic lac tech leto. Jiñi a pecʼlel mi caj i coltañet chaʼan maʼañic maʼ michʼan yicʼot chaʼan maʼ ñaʼtan mi yomix maʼ sujtel (Pr. 17:14; Tito 3:2). Mi utsʌch maʼ jacʼben jiñi woliʼ bʌ a pejcan, tajol mucʼʌch caj i chaʼ mulan tʼan cheʼ bʌ maʼ chaʼ ñumel.
