Pë ˈö Pɔdhö ˗ya ˗kë

˗Gleŋ ˗mɛɛn ˈö Pɔdhö ˗ya ˗da kwa ˗bha?

2. ˈKwa ˈwɔn blɛɛˈˈ ˗dekëtɩtɩsü ˈka mɛn ˗nu ꞊bhlëë ˈgü, ˗yö ˈˈtʋ ˗to kwa ˗bha nɔɔnwo ˗bha ˗sü ˗dhɔ ˗da mɛn ˗nu ˈgü.

 ˗Kwa ʒiö Pɔdhö ˗bha ˈwɔnzuan ˈˈpiʋ̈

3. ˗Kwa ˈwɔn blɛɛˈˈ mɛn ˗nu ꞊bhlëë ˈgü. ˈKwa ˈdho ˗a kë ꞊dhɛ pë ˈö kwa ꞊nën ˈkwa ˈwɔn ꞊gban ˗dɔ, ˈö mɛn ˈˈwɛɛ ˗nu ˗zë ˈwaa pë ˈbha dɔ ˗a ˈdhö.

4. ˗Kwaa ˗zɔn ˗an ˗dhɛ ˈˈpuu ˈka ꞊dhɛ gagade ˈö ˈkwa˗ ˗zɔn ˗ni ˈgü ˗an ˗dhɛ bhë, ˗yö ˗go Biblö ˈgü. ˗Wo ˗nu ˈwo pa mɛn zuʋ̈ˈˈ ˈka ˗wo ˗Zlan ˗Wo ˈgü. ꞊Ya kë ꞊dhɛ ˈkwa bɔ ˗an ˗ta, kö kwa ˗an ˗bha ˗zoyödhe ˗gɛn ˗gban ˗ni ˈgü pë ˗së ˗ta ˗naan bhë!

5. ˗Kwa kë dhɔŋsü. ˈKwa ˈdho ˗a ˗zɔn ˈˈgbɩɩdhɛ ˈka ꞊dhɛ ˈpë ˈkwa˗ pö ˗ni ˈgü bhë ˈnën gagade ˈka. ˈKwii ˈdho kö ˈkwa zɔɔdhe ˗da. ˗Kwa kë dhɔŋsü, kö ˈˈtʋ̈ŋ ˈö ˈkwa ˗dho ˈˈdoo ˈˈkan ˗a ˈka ˈkwa˗ dɔ. ˈKwa˗ kë ˈˈdhʋ̈, kwa˗ ˗zɔn ꞊dhɛ kwa kwa ˗de ˗sü ˈˈtɩtɩ. (Prov. 17:14; Tit. 3:2) Kwa ˗wo ˗ya kë dhɔŋsü, ˈkö ˗kë ꞊dhɛ mɛn ˗nu ˈwii wo ˈˈtʋ ˈto kwa ˗bha, ˗wo ˗dho ꞊mɔɔn˗ ˗bha ˈwo wo ˈˈtʋ to ꞊taabha.