PIILI DAMA DIIBU
ZANNOO 4
Sigrimennoŋ
Baabole Kawane: “Meŋɛ sigruu poɔ, yɛ maŋ kaa yɛ taaba ka ba seɛ yɛmenne.”—Fil. 2:3.
Lɛ Pɔɔl Naŋ Da E
1. Kaa a VIDIO, kyɛbee kanne Toma 26:2, 3, a kyɛ pãã gyieli a soorebie naŋ tu na yɛlɛ:
-
Bonso teŋ na baŋ yelka sori na Pɔɔl naŋ da tu kyɛ ka o neŋ Naa Ageripa di dama na wuleeŋ ka o da sigree o meŋɛ?
-
Sobuo ka Pɔɔl da tu kyɛ tage noba teɛroŋ eŋ a Baabole ane Jehoova eŋɛŋ?—Kanne Toma 26:22.
Bo Yɛlɛ Teŋ Na Baŋ Zanne Yi Pɔɔl Zie?
2. Ka teneeŋ maŋ yi sigrimennoŋ ane gyeremɛ poɔŋ a moɔlɔ a duorisoŋ korɔ noba, a maŋ vɛmeŋ baŋ boɔrɔ ka ba kyɛlle woŋ a yɛlɛ.
Tɔglɔ Pɔɔl
3. Maŋ de gyeremɛ yele a yɛlɛ. Kaara soŋ a ta wa derɛ ho yelyaga wulo ka ho baŋɛɛ yelzaa, kyɛ ka neɛ na ho ne o naŋ dire a dama na yɛŋ ba baŋ bonzaa. Maŋ de gyeremɛ yele yɛlɛ korɔ o soba.
4. Vɛŋ ka o soba baŋ velaa zaa ka a Baabole poɔ yɛlɛ la hoŋ de wuluu. Naaŋmen Yelbiri na na baŋ tɔ la noba sukyie. Ka teneeŋ vɛŋ ka ba baŋ ka yɛlɛ na teŋ wulo ba na yi la a Baabole poɔŋ, a na vɛmeŋ ka ba sage a Baabole di, a kyɛ lɛ vɛŋ ka ba sagediibu na e kpeɛŋaa.
5. Maŋ e bɔin. Ka neɛ kaŋaŋ ba sage yelkaŋa ho naŋ wuluu, ta wa vɛnɛ ka ho ne o tagra taa. Te ba boɔrɔ ka te neŋ noba maŋ ŋmeɛrɛ nɔkpeɛne. Maŋ e bɔin, ka o sobaŋ boɔrɔ ka o ŋmɛ nɔkpeɛne, bare a dama diibu. Ka hooŋ e lɛ, a wuleeŋ ka ho sigree ho meŋɛ. (Yeng. 17:14; Tit. 3:2) Ka hooŋ e bɔin, aminekaŋaŋ, a na baŋ soŋɛɛ o soba ka o kyɛlle woŋ ho duoro na nendaare kaŋa.
