TEI MU BIGIN WAN TAKIMAKANDAA
TOLI 4
I mu abi sakafasi
Beibel e taki: ‘U mu abi sakafasi. U mu e si enke taawan pelensipali moo wi.’—Filip. 2:3.
Fa Pawlesi du a sani ya?
1. Luku a FELON, efuso leisi Toli fu den apostel 26:2, 3. Bakadati luku den akisi ya:
-
Pawlesi poti pakisei a Yehofa anga den buku fu Beibel, aa poti pakisei neenseefi. Fa a du a sani ya?—Luku Toli fu den apostel 26:22.
Saw sa leli fu Pawlesi?
2. Efu wi abi sakafasi neen we soi taki we lesipeki den sama, den o moo aliki u.
Du sani enke Pawlesi
3. Soi a sama taki ye lesipeki en. Ya mu meke a sama fii enke i bun moo en. Ya mu meke a fii enke i sabi ala sani tu.
4. A sama mu man si kiin taki den sani di ye leli en komoto fu Beibel. Den sani di sikiifi aini Beibel e doo sama ati. Efu we wooko anga Beibel te we leli sama, a sani ya o meke den biibi taki Beibel na a Wowtu fu Gadu.
5. Ná sitee anga sama. Efu a sama á wani biibi san ye leli en, ya mu wani soi en namonamo taki a yu abi leti. Wa wani sitee taki anga sama. I mu soi sakafasi. Yu ati á mu boon na a sama. I mu sabi on ten a moo bun fu gwe (Odo 17:14; Tit. 3:2). Efii taki mooin anga a sama, a sani ya o meke a wani aliki i taa leisi.
