NE̱NI BOTEA EKWALI
BELĒDI 4
Sibise̱ la ńolo
Bete̱sedi: “Ońola sibise̱ la ńolo mō̱ te̱ a lange nune̱ nupe̱pe̱ bonde̱ne̱ buka mo̱me̱ne̱.”—Fil. 2:3.
Nje Paulo a bolino̱
1. Ombwa SINIMA, to̱so̱ langa Bebolo 26:2, 3. Denge̱ o madutea ońola myuedi mi mabupe̱:
-
Ne̱ni Paulo a lee̱le̱no̱ sibise̱ la ńolo ke̱ a makwalisane̱ Kiṅe̱ Agripa e?
-
Ne̱ni Paulo a bolino̱ nde Yehova na Betiledi edube, seto̱ mo̱me̱ne̱ e?—Langa Bebolo 26:22.
Nje di mokwano̱ na Paulo e?
2. Bato ba le̱le̱m o senga mwe̱ndi masu ke̱ di mato̱po̱ na sibise̱ la ńolo n’edube.
Embilane̱ Paulo
3. O s’ase̱ wame̱ne̱. O si bola ná moto e̱ne̱ biana wa nde o bi mambo me̱se̱, mo̱ a si bi to̱ lambo. Kwalisane̱ mo̱ n’edube.
4. Bola ná ye̱ne̱ne̱ ná bwē ná nje weno̱ o kwala e mawa nde o Bibe̱l. Eyal’a Loba e be̱n ngińa o tapa milema ma bato. Di bolane̱ mo̱ o longa dube̱ la bato o eyoto yena you.
5. Be̱ pī. Di s’ana o pula te̱se̱ jo̱nge̱le̱ la moto ye̱ke̱i te̱. Di bie samba musunga ma madoi. Ná o lee̱le̱ sibise̱ la ńolo, be̱ pī, o bie pe̱ njika ponda wangame̱nno̱ jasumwe̱ na nu moto. (Min. 17:14; Tito 3:2) Jalabe̱ le pī le ná di tindea biso̱ epolo o be̱ne̱ ekwal’a bwam na nu moto ngedi nipe̱pe̱.
