BARO DAMINƐTƆ NI MƆGƆW YE
KALANSEN 4
Majigilenya
Sariyakolo: “Aw k’aw yɛrɛ majigi k’aw tɔɲɔgɔn filɛ ko a ka fisa n’aw ye.”—Filip. 2:3.
Ciden Pol y’a kɛ cogo min na
1. VIDEWO filɛ wala Kɛwaliw 26:2, 3 kalan. O kɔ, ɲiningali nunu jaabi:
-
Pol kumana masacɛ Agiripa fɛ cogo min na, o b’a yira cogo di ko a tun majiginin lo?
-
Cogo juman na Pol ye mɔgɔw ɲɛsin Jehova ani a ka Kuma ma sanni k’u ɲɛsin ale yɛrɛ ma?—Kɛwaliw 26:22 lajɛ.
An be kalan min sɔrɔ ciden Pol fɛ
2. Mɔgɔw bena sɔn ka kibaro diiman lamɛn n’an be kuma u fɛ ni majigilenya ni bonya ye.
Ciden Pol ladegi
3. Kuma ni bonya ye. Kana a to i lamɛnbaga k’a miiri ko ele lo be fɛɛn bɛɛ lɔn ani ko ale tɛ foyi lɔn. Kuma a fɛ ni bonya ye.
4. A yira ka gwɛ ko i b’a kalanna min na, o bɔra Bibulu lo kɔnɔ. Ala ka Kuma be se ka mɔgɔw dusu sɔrɔ ani k’u ka miiriyaw yɛlɛma. N’an be baara kɛ ni Ala ka Kuma ye, o b’a to mɔgɔw ka limaniya be sabati ka ɲɛ.
5. Koow kɛ ni dususuman ye. Kana ja kelen kan walisa k’a yira ko tiɲɛn be ele lo fɛ. An t’a fɛ ka kuma caaman. A yira ko i majiginin lo i kɛtɔ k’i dusu suman ani k’a lɔn tuma min na i ka ɲi ka baro dabila n’a tigi ye (Talenw 17:14; Titi 3:2). N’i be kuma ni dususuman ye, n’a sɔrɔ a tigi bena sɔn k’i lamɛn siɲɛ wɛrɛ.
