BER A EPƐ DƐ EHYƐ NKƆMBƆ ASE
Andw. 26:2, 3
ADZESUA 4
Brɛ Woho Adze
Ngyinadosɛm: ‘Obiara mfi ahobrɛadze mu mbu ne nyɛnko dɛ ɔkyɛn no.’—Phil. 2:3.
Dza Paul Yɛe
1. Hwɛ VIDEO no, anaa kenkan Asomafo Ndwuma 26:2, 3. Afei, susu nsɛmbisa a odzidzi do yi ho:
Ebɛnadze Na Yesua Fi Dza Paul Yɛe No Mu?
2. Sɛ yɛbrɛ hɛnho adze na yefi obu mu nye nkorɔfo kasa wɔ asɛnka mu a, ɔma wotsie hɛn.
Suasua Paul
3. Ma nyimpa no nhu dɛ ibu no. Mma mma obi a enye no rekasa no nnya adwen dɛ ɔwo na inyim biribiara, na ɔnodze ɔabɔn.
4. Ma onhu dɛ dza erekyerɛkyerɛ no fi Bible mu. Nsɛm a ɔwɔ Bible mu no botum aka nkorɔfo hɔn akoma. Ntsi sɛ yɛdze dzi dwuma a, ɔma nkorɔfo dze hɔn gyedzi gyina do, na ɔremma hɔn nsa nnsi famu.
5. Hyɛ woho do. Sɛ obi nye wo nnyɛ adwen a, mma nnye no nntwe. Yɛmmpɛ dɛ yɛnye obiara bɛgye kyim. Sɛ ehwɛ na nkɔmbɔ no nnkɔ yie a, twa do na fi hɔ kɔ. Sɛ eyɛ dɛm a, ɔkyerɛ dɛ ebrɛ woho adze. (Mbɛ. 17:14; Titus 3:2) Sɛ yetwa nkɔmbɔ no do bɔkɔɔ a, bi a ber fofor no, obetsie hɛn.
KENKAN KYERƐWNSƐM AHOROW YI SO
Rom. 12:16-18; 1 Cor. 8:1; 2 Cor. 3:5
