TEKIVUTAKI NA VEIVOSAKI
LESONI 4
Mo Yalomalumalumu
iVakavuvuli Vakaivolatabu: “Moni yalomalumalumu ena nomuni okati ira na kena vo mera uasivi kemuni.”—Fpai. 2:3.
Ka e Cakava o Paula
1. Sarava na VIDIO, se wilika Cakacaka 26:2, 3, qai sauma na taro qo:
-
E laurai vakacava vei Paula na yalomalumalumu ena itautau ni nona vosa vei Tui Akaripa?
-
Na cava e cakava o Paula me vakabibitaki Jiova kei na iVolatabu, sega ni o koya?—Raica na Cakacaka 26:22.
Na Cava Eda Vulica Vei Paula?
2. Ena rogoci na noda itukutuku nida vosa ena yalomalumalumu kei na veidokai.
Vakatotomuri Paula
3. Kua ni dokadoka. Kua ni vakaraitaka ni o kila e levu na ka, o qai beci koya. Vosa vua ena veidokai.
4. Vakamatatataka ni ka o wasea tiko e yavutaki ena iVolatabu. Na itukutuku ena iVolatabu e rawa ni veisautaka na bula ni tamata. Nida vakayagataka, eda sa taravaka tiko na nodra vakabauta ena yavu e dei.
5. Yalomalua tu ga. Kua ni usuraka ni o donu tu ga. Eda sega ni via veiba. Vakaraitaka na yalomalumalumu ni o tauri iko vakamalua, qai kila na gauna mo biubiu kina. (Vkai. 17:14; Taito 3:2) Ni o vosa ena yalomalua, ena rawa ni rogoca o koya na itukutuku vinaka ena dua tale na gauna.
