LÈ OU KA KOUMANSÉ ON TI KOZÉ
Akt 26:2, 3
LÈSON 4
Aji èvè imilité
Prensip : « Èvè imilité, kontinyé vwè lézòt kon moun ki ni plis valè ki zòt » (Filip. 2:3).
Ègzanp a Pòl
1. Gadé VIDÉO-la oben li Akt 26:2, 3. Aprésa réfléchi asi sé kèsyon-lasa :
Sa ègzanp a Pòl ka aprann-vou
2. Sé moun-la ké pli anvi kouté-w si ou ka palé èvè rèspé é imilité.
Pou imité Pòl…
3. Rèspékté santiman a sé moun-la. Si ou ka palé konsidi ou konnèt tout biten, sa pé ba moun-la lenprésyon i pa konnèt ayen.
4. Fè ansòt pou moun-la konprann kè sa ou ka anségné ka sòti an Bib-la. Pawòl a Bondyé ni pouvwa touché tchè a sé moun-la. Lè nou ka sèvi èvè Bib-la, nou ka édé-yo ni fwa adan Pawòl a Bondyé, é non adan sa nou ka di.
5. Rété janti. A pa lapenn tèsté èvè moun-la. Siwvwè ou ni imilité, sa ké édé-w rété kalm, é ou ké sav a ki moman pou arété on diskisyon (Pwov. 17:14 ; Tit 3:2). Si ou ka palé èvè dousè, pétèt moun-la ké pi anvi kouté-w ondòt fwa.
VÈWSÉ ANPLIS
Wom. 12:16-18 ; 1 Kor. 8:1 ; 2 Kor. 3:5
