KOUMANSÉ AN TI-KOZÉ
LISON 4
Palé épi limilité
Prensip : « Épi limilité, kontinié wè lézòt kon moun ki pli wo pasé zòt » (Fil. 2:3).
Ki manniè Pòl té ka fè ?
1. Gadé VIDÉWO-a ouben li Akt 26:2, 3. Apré, katjilé anlè sé kèsion-tala :
-
Ki manniè Pòl fè pou mété Jéova épi Pawòl-li douvan ? (gadé Akt 26:22).
Kisa lèkzanp Pòl ka aprann nou ?
2. Si nou ka palé épi rèspé èk limilité, sé moun-lan kèy anvi kouté nou.
Pou fè kon Pòl...
3. Pa fè moun-lan wont. Palé épi rèspé. Pa ba moun-lan lenprésion sé wou ki konnèt tout bagay épi, li, i pa konnèt ayen.
4. Montré an manniè klè sa ou ka ansénié ka sòti di Labib. Sé Pawòl Bondié ki la, é i pé touché tjè sé moun-lan. Lè nou ka sèvi Bib-la, nou ka endé sé moun-lan bati lafwa-yo anlè pli bèl fondasion-an ki ni.
5. Palé jantiman. Pa chèché montré sé wou ki ni rézon. Nou pa lé rantré adan piès polémik épi pèsonn. Limilité ké endé’w rété dous épi sav a ki moman fòk ou pati (Pwo. 17:14 ; Tit 3:2). Si’w kontinié palé épi dousè, pétèt moun-lan kèy lé kouté’w an lòt fwa.
