GE DÀÀMÀ TOGÓ LOA SỌ́L
4 NU GÈ NÒ
Kìlmà Kpá Ló Kẽ
Nòòkúu: “Kilmai kpá ló kẽ vaá ò ẹbvii dõona gbò dalaí boo elmai boólò lóó.”—Fíl. 2:3.
Nú E Pọ́ọ̀l Beè Naa
1. Ẹ̀b VÍDIÒÍ, àbèè ò bugi Tóm 26:2, 3. Vaá ò gbóó aalai gbò bíbví:
Éé Ní E Nóò Lọl Ló Pọ́ọ̀l Ẹ?
2. Nen ólò ié lèèma ló bẹẹ bel tṍó e lóòe mm̀ sĩ́deè ea zógè kọ è íè dùm fã̀dẽe nè kìlmà kpá ló kẽ.
Nó Pọ́ọ̀l
3. Ló bel mm̀ bá fã̀dẽe. Ó gá naa nú mm̀ sĩ́deè ea é bélí kọọ̀ áá olo ní eo nyímàè dénè nué, vaá na nená náa nyímá tọ́ọ̀ nu. Zọ̀ẹ loá bel mm̀ bá fã̀dẽe.
4. Naa kọ bàá nyimá kọ è gé nóòmà kà-kà bel ea di mm̀ Kpá Káí. Moǹ Bel Bàrì íe kpóó gè nyaaná bé e gbò nen bugi togó naa. Tṍó e túù siimá tóm, è náà kọọ̀ ba zìgà á agaló.
5. Dú gbọ́ọ́-gbọọ̀ ló. Ó gá kilsĩ́ gè olòó ló bel, boo béè ge zogè kọ ò diè lèlà. Née gbĩ́ gè zọ̀ tọ́ọ̀ nen tàlà. Zogè kọ ò íèè dùm kìlmà kpá ló kẽ tení dú ló gè pĩi vaá nyimá tṍó ea bọ́ló gè àà. (Pró. 17:14; Táítọ̀s 3:2) Be ò ló bel mm̀ kìlmà kpá ló kẽ, àé láá naa kọọ̀ nená á pãané ni tṍ ló dõona tṍó.
BUGI NAGÉ
Róm̀ 12:16-18; 1 Kọ́r. 8:1; 2 Kọ́r. 3:5