ÑAÑEPYRŨ HAG̃UA ÑAÑEMONGETA
LEKSIÓN 4
Neumílde vaʼerã
Téxto bíblico: “Peneumílde vaʼerã ha pepensa umi ótro tuichaveha pendehegui” (Filip. 2:3).
¿Mbaʼépa ojapo vaʼekue Pablo?
1. Ehecha pe VIDÉO, térã elee Hechos 26:2, 3. Upe rire erresponde koʼã porandu:
-
¿Mbaʼéichapa Pablo ohechauka iñumildeha oñeʼẽrõ guare rréi Agrípape?
-
¿Mbaʼéichapa Pablo ohechauka ombotuichaha Jehovápe ha Ñandejára Ñeʼẽme oñembotuicha rangue ijupénte? (Ehecha Hechos 26:22).
¿Mbaʼépa ñaaprende Páblogui?
2. Umi hénte ohendusevéta umi notísia porã jahechaukáramo ñaneumildeha ha jarrespetaha chupekuéra.
Jasegíkena Pablo ehémplo
3. Ehechauka epororrespetaha. Ñañeʼẽ jave, aníkena ñantendeka jaikuaaha voi entéro mbaʼe ha umi ótro ndoikuaaiha mbaʼeve.
4. Siémpre ojekuaa porã vaʼerã ñamboʼeha la Biblia heʼíva. La Bíbliape oĩ Ñandejára pensamiénto, upéva ikatu opoko umi hénte korasõre. Jaipuru jave la Biblia, ñaipytyvõ umi héntepe ojerovia hag̃ua Ñandejára Ñeʼẽre, ndahaʼéi ñande jaʼévarente.
5. Eñehaʼã siémpre netrankílo. Aníke ñañemohatã ha jahechaukase jarekoha la rrasón. Oĩramo ojodiskutiséva, pe persóna iñumíldeva orresponde pyʼaguapýpe porãnte ha oikuaa mbaʼe moméntopepa iporãve ojerretira (Prov. 17:14; Tito 3:2). Ñarrespondéramo pyʼaguapýpe porãnte ikatu ótro moméntope pe persóna ohendu umi notísia porã.
