PƆSƐ SƆSEGA
ZASEŊƆ 4
Siregera Homea
Naresum Yele: ‘Siregera yamea ge mina ti basɛba gani ya.’—Flp. 2:3.
Paul N Yuun Eŋɛ De Se’em
1. Bisɛ VIDIYO la bii kaalɛ Tooma 26:2, 3 ge nyaa geele soke ana wa:
-
Paul yuun eŋɛ la wani pa’alɛ ti a siregeri amea, se’em ma’a ti a yuun tɔɣera bɔ’ɔra Naba Agripa la?
-
Paul yuun eŋɛ la wani pa’alɛ ti a basɛ ti nɛreba puti’irɛ bɔna la Yehowa la Gulesegɔ la poan ge daɣɛ eŋa mea?—Bisɛ Tooma 26:22.
To Zamesɛ La Bem Paul Zɛ’an?
2. To san siregera tomea ge bɔ’ɔra gilema, to yetɔɣum la wan kɛ̃’ɛra suure.
Tɔɣesa Paul
3. Tɔɣera ti gilema bɔna bim. Da tɔɣera ti la ana wuu hon mi sɛla woo mɛ ge ti nɛra la ka mina sɛsɛla.
4. Basɛ ti la niɛ peelumi ti yelese’a ti ho pa’ala en la ze’ele la Baabule la poan. Naayinɛ Yelesum la ta’an tee nɛreba n ti’iseri se’em. To san tara Baabule la pa’ala soŋa, la wan soŋɛ nɛreba ti ba sakerɛ kpe’em.
5. Da ita sunsɔa. Da ziɣera ti ho pa’alɛ ti hon tari yelemɛŋɛrɛ. To ka boti to ŋmɛ’ɛra nɔkpɛ’ɛma. Ana bãalam ti la pa’alɛ ti ho siregeri homea ge me mina se’em ma’a ti la nara ti ho basɛ zɛ’an la poan. (Mag. 17:14; Titus 3:2) Ho san lebese nɛra la mama sore poan, bala ta’an basɛ ti nɛra la ta bɔta ti a kelese ho daanse’ere daarɛ ti ho lebe a zɛ’an.
