HODỌDOPỌ DE BIBẸJẸEJI
NUPINPLỌN 4
Whiwhẹ
Nunọwhinnusẹ́n: “Mì nọ gbọn whiwhẹ dali pọ́n mẹdevo lẹ dọ yé yiaga hú mì.”—Flp. 2:3.
Nuhe Paulu Wà
1. Pọ́n VIDEO lọ, kavi hia Owalọ lẹ 26:2, 3. Enẹgodo, lẹnnupọndo kanbiọ he bọdego lẹ ji:
-
Nawẹ Paulu do whiwhẹ hia to aliho he mẹ e dọhona Ahọlu Aglipa te mẹ gbọn?
-
Nawẹ Paulu dọ̀n ayidonugo wá Jehovah po Owe-wiwe lẹ po ji gbọn kakati nido yin wá ede ji?—Pọ́n Owalọ lẹ 26:22.
Etẹwẹ Nuyiwa Paulu Tọn Ehe Plọn Mí?
2. Owẹ̀n mítọn nọ dọ̀nmẹ dogọ eyin mí yí whiwhẹ po sisi po do ze e donukọnnamẹ.
Hodo Apajlẹ Paulu Tọn
3. Ma nọ dọho to aliho mẹdepò tọn mẹ blo. Ma nọ yinuwa taidi dọ hiẹ wẹ yọ́n nulẹpo bọ mẹhe a to hodọna ma yọ́n nude blo. Dọhona ẹn po sisi po.
4. Hẹn ẹn họnwun dọ Biblu wẹ yin asisa nugbo he má a te lẹ tọn. Ohó Jiwheyẹwhe tọn bẹ linlẹn he nọ yinuwado ahun gbẹtọ lẹ tọn ji lẹ hẹn. Eyin mí nọ yí i zan, mí to alọgọna yé nado wleawuna yise he sinai do dodonu he sọgbe lọ ji niyẹn.
5. Nọ do walọmimiọn hia. Ma nọ tẹkudeji dọ linlẹn towe ji janwẹ e na gbò do blo. Mí ma nọ jlo na dọnnu hẹ mẹlẹ. Dike whiwhẹ ni nọ whàn we nado fahomẹ bo yọ́n whenue a na tọ́n sọn mẹlọ dè. (Howh. 17:14; Titu 3:2) Eyin a yinuwa po walọmimiọn po, enẹ gán hùn dotẹnmẹ hodọdopọ dagbe de tọn dote to whedevonu.
