PAGSUGOD SA PAG-ISTORYAHANAY
LEKSION 4
Mangin Mapainubuson
Prinsipio: “Mapainubuson nga kabiga ang iban nga labaw sa inyo.”—Fil. 2:3.
Ang Ginhimo ni Pablo
1. Tan-awa ang VIDEO, ukon basaha ang Binuhatan 26:2, 3. Dayon binagbinaga ang masunod nga mga pamangkot:
-
Paano ginpakita ni Pablo ang pagkamapainubuson sang nakig-istorya sia kay Hari Agripa?
-
Ano ang ginhimo ni Pablo para madayaw si Jehova kag mapakita nga ang iya ginsiling halin sa Kasulatan, indi sa iya kaugalingon?—Tan-awa ang Binu. 26:22.
Ano ang Matun-an Naton kay Pablo?
2. Mas gusto sang mga tawo mamati sa aton mensahe kon mapainubuson kita kag matinahuron.
Iluga si Pablo
3. Mangin matinahuron. Indi pag-ipabatyag sa imo kaistorya nga mas madamo ka sing nabal-an sangsa iya.
4. Dapat mangin maathag sa imo kaistorya nga ang imo ginatudlo halin sa Biblia. Ang Pulong sang Dios may daku nga epekto sa hunahuna kag balatyagon sang mga tawo. Kon gamiton naton ini, mapabakod naton ang ila pagtuo base sa Biblia.
5. Mangin kalmado. Indi pag-ipilit nga insakto ang imo ginasugid sa iya. Indi naton gusto makigbais. Kon kalmado ka kag kabalo ka kon san-o mahalin, mapakita mo ang pagkamapainubuson. (Hulu. 17:14; Tito 3:2) Kon himuon mo ini, posible nga mamati na sia sa imo sa sunod ninyo nga pag-istoryahanay.
