KEXPREECHE AAN FANGE
LISYOON 4
Say teemuutich
Printsipyum: “Mit teemuut, tenkt tas ti anere kreeser sin wii teyer selepst.” (Fili. 2:3)
Was hot Phaul kemacht?
1. Kuk te WIITEO orer lees Aphostele sayn Kexicht 26:2, 3. Nochter, tuu tiise frooche antworte:
-
Wii hot Phaul teemuut ketsaycht in te aat wii eyer mim kheenich Akripa kexproch hot?
-
Wii hot Phaul ti acht tsu Yeehoowa un tsu ti Xrifte kelenkt, xtats tsu sich selepst? (Kuk Aphostele sayn Kexicht 26:22.)
Was khene mer fon Phaul lërne?
2. Was mer iwer ti Piipel saan, tuut ti layt mee kefale wën mer mit teemuut un respekt xpreche.
Mach Phaul noo
3. Xprech mit respekt. Kep net tsum ferxteen tas tuu ales weest un tas te persoon kaar niks wees.
4. Los taytlich tas was tuu in lërnst fon te Piipel khomt. Kot sayn Wort khan ti ketanke un ti xpiirunge fon te layt tiif petrefe. Wën mer ti Piipel penutse, tuun mer te persoon helfe klaape aan ti Piipel uf paue, xtats aan was mer saan.
5. Playp in ruu. Fersuuch net mit ale kewalt pewayse tas tuu recht host. Meyer wole net mit te persoon tsënke. Tsaych teemuut, playp in ruu un mërk wan tuu faart keen solst. (Xpr. 17:14; Tit. 3:2) Wëns tuu mit tsaamheet xprechst, khanst tuu fiilaycht ti teer uf lose fer mit te persoon in een aner momënt fertseele.
