DỌMWỤ NYA ẸLA OYAYA Ụ-ỤGBẸYỊ ỌNYỊỊLA
ANG ỌJẸ́JẸ 4
Kpịlọng Keji
Itiwe nya Ehile: “Anụ́-ụ juwa kpa ịlọnụ keji kanụ juwa wa angịkịla nyanụ nya angị họ hiigu gụ ịlọnụ mẹ.”—Filip. 2:3.
Ang Ọlẹ ká ỊPọlụ Họ
1. Yẹ IFIM ọwẹ, lee wa Ụkụrwọ nya Alẹrụ 26:2, 3. Ká kụ ẹhị yẹ ịtọ ẹla ileji ịlẹ:
-
Ányị ịPọlụ à tị́ mẹjẹ nyori ọ-kpa ịlọmwụ keji bwula ụgbẹyị ọle kọ ya ẹla ta Adịrahụ Agiripa?
-
Ányị ịPọlụ à tị́ bwu kpa angịnyị irya ka ẹga nya iJihova bala Ụpwụ Ịgọgọ ọkọkọ nya ịlọmwụ?—Yẹ Ụkụr 26:22.
Ẹlịyẹ Ahị Tị́ Jẹ́ Bwu Ẹga nya ỊPọlụ?
2. Ẹrụ ọnyịịla ọlẹ kahị wẹẹ ya kaa kpa angịnyị ịpyọ gụ kori kahị yoo ẹ-ẹpwụ nya ịlọhị ọ-kpa keji bala ihi ojuju.
Ba Ọgụ-ẹpẹtẹ nya ỊPọlụ Jẹ
3. Ya ẹla ụ-ụgbẹyị olihi-ihi. Cheji ba hi ọ-ka họ kọ ka lala o-ri ahụ ụbwọng à jẹ ang kem lẹ, angịkịla á jẹ ịngịngịhyẹ ka.
4. Họ kọ la gbagbịla nyori ẹla ọlẹ ká wẹẹ ya bwu ẹpwụ nya ịBayịbụụ. Ẹla ịlẹ kị ka jẹ́-ẹ gu ọngịnyị ọ-ọkịlẹtụ juwa ẹ-ẹpwụ nya Omyi Ẹla nya Ohe Oluhye. Ụka kahị kpa họ ụkụrwọ, ahị wẹẹ da angịkịla ụbwọ nyọka nwụ ọmyịmyị nyaa rịrị u-uhye nya itiwe ọlam-ọlam.
5. Kịnyaa la ọ-la dụmwọ. A họ kọ lala o-ri ẹla nyang kem a la kpakpa gụ ka. Áhị tịtọ nyọka da ịwẹẹ ka. Mẹjẹ nyori a kpa ịlọng keji bwula o-wu ịlọng kpa bala ọ-jẹ́ ụka ọlẹ ká baba nyọka rụ bwu ẹga ọọwạ. (Etu. 17:14; Tay 3:2) Ẹla ọwẹwẹ dụmwọọ nyahị ka du ká ọngọọwa ka myị-ị́ ke ụrụ lahị ụka ọkịla myị.
