KỊMỊ MỌ KORO ẸRẸTEIMỤ BARA MỊ
TOLUMỌYỌ 4
Angọ-iyerimọ
Bible tolumọye: “Angọ-iyerimọ dá, zịnịotu yelaa ị́ dẹịn-emi bara kẹrị iroro.”—Phil. 2:3.
Paul Mịẹye Bị
1. VIDIO dii, anịghakpọ Acts 26:2, 3 goo dá, mị biibịbịbo kẹrị iroro:
-
Paul akị Pẹrẹ-owei Agrippa mọ ẹrẹ bara mị, tebara ka kị ómịnị angọ-iyerimọ wẹrịemi bara mịẹdịa ma o?
-
Paul wo angọ tokonimụ yọ dii a, ómịnị tebara ka kị Jehovah tokoni ma o?—Acts 26:22 dii.
Paul Mịẹye Bị Te Ka Kị Wó Tolumọ Ma O?
2. Omịnị angọ-iyerimọ, bá didụbamọ bara akị kịmịotu mọ ẹrẹ daba, kịmịotu wó egberi bọọ dịsẹnana dẹịnmịnị.
Paul Dimịẹ
3. Didụbamọ bara ka kị ẹrẹ. Ụbọ bị kẹnịye kpọ nimigha, ị́mịnị kị yebosẹ nimisiin wẹrịemi bara mịẹkụmọ. Anịduonị didụbamọ bara ka kị ụbọ mọ ẹrẹ.
4. Iné gbaamịnị egberi mị Bible kị duobo-emi bara mịẹdịa. Bible mị, kịmịotu adụdụ gbelemịnị egberiama gbaa wẹrịemi, anịduonị omịnị Bible kọn egberigbaa daba baratụa kịmịotu pịrịwẹrị gesii peibolou nanamịnị.
5. Bọụbọụ bara ka kị ẹrẹ. Iné egberi kị kịrịị-emi kị gbaa kpọ kịmị mọ bịbịkpụn-kụmọ. Angọ-iyerimọ bara yọ duo seri agbẹị ifie nimi. (Prov. 17:14; Titus 3:2) Omịnị bọụbọụ bara akị kịmị mọ ẹrẹ daba, ụbọ bị zịnị ifiea wó egberi pei a paaemi.
