AÐ HEFJA SAMRÆÐUR
KAFLI 4
Auðmýkt
Meginregla: ‚Verið auðmjúk og lítið á aðra sem ykkur meiri.‘ – Fil. 2:3.
Hvernig fór Páll að?
1. Horfðu á MYNDBANDIÐ eða lestu Postulasöguna 26:2, 3. Hugleiddu síðan eftirfarandi spurningar:
-
Hvernig birtist auðmýkt Páls í því hvernig hann talaði við Agrippu konung?
-
Hvernig beindi Páll athyglinni að Jehóva og Ritningunum en ekki sjálfum sér? – Sjá Postulasöguna 26:22.
Hvað lærum við af Páli?
2. Boðskapurinn er meira aðlaðandi þegar við boðum hann af auðmýkt og virðingu.
Líkjum eftir Páli
3. Tölum af virðingu. Ekki láta í það skína að þú vitir allt og viðmælandinn viti ekki neitt.
4. Það þarf að vera ljóst að við byggjum kennslu okkar á Biblíunni. Orð Guðs snertir hjörtu fólks. Þegar við notum Biblíuna erum við að byggja trú þess á réttum grunni.
5. Verum alltaf mild. Ekki reyna að eiga síðasta orðið. Við viljum ekki rífast. Sýndu auðmýkt með því að halda rónni og átta þig á hvenær tímabært er að yfirgefa svæðið. (Orðskv. 17:14; Tít. 3:2) Ef þú svarar mildilega eru meiri líkur á að viðkomandi vilji hlusta á boðskapinn síðar meir.
