TIMLILIT TAMEZWARUT
TIMEƔRI 4
Sɛu annuz
Amenzay: “Anzet, ḥesbet wiyaḍ nnig-nwen” (Ifilib. 2:3).
Lemtel i ɣ-d-yeǧǧa Bulus
1. Wali BIDYU-YAGI neɣ ɣer-ed Lecɣal 26:2, 3. Mbeɛd, xemmem ɣef yesteqsiyen i d-iţeddun.
-
Ayɣer i nezmer a d-nini belli Bulus ihdeṛ s wannuz i Agribas?
-
D acu i d-yesbegginen belli Bulus iɛawen wid i s-d-yeţḥessisen ad rren ddehn-nsen ɣer Yahwa akk-d Wawal-is, mačči ar ɣur-es neţţa? (wali Lecɣal 26:22).
Ayen i d-nelmed sɣur Bulus
2. Ma theddṛeḍ i wiyaḍ s wannuz d leqder, a k-d-ḥessen akken ilaq.
Ɛaned Bulus
3. Ur ssemɣar ara iman-ik. Ur ilaq ara a s-yini win ukud i theddṛeḍ belli kečč tessneḍ kullec, neţţa ur yessin acemma. Ţmeslay yid-es s leqder.
4. Beggen-ed ɛinani belli ayen i tesselmadeḍ yekka-d seg Wedlis Iqedsen. Adlis Iqedsen d Awal n Ṛebbi. Neţţaf deg-s ixemmimen i gzemren ad ḥazen ulawen n lɣaci. M’ara t-nessexdam, neţɛawan win ukud i nheddeṛ ad yamen yis.
5. Ur ţḥiri ara aţ-ţzeɛfeḍ. M’ara theddṛeḍ d walbeɛḍ, ur ţnadi ara ad iɛeddi wawal-ik s ddreɛ. Annuz a k-iɛiwen iwakken ur treffuḍ ara, a k-iɛiwen daɣen bac aţ-ţeẓreḍ melmi i glaq aţ-ţḥebseḍ yid-es lhedṛa (Lem. 17:14; Titus 3:2). Ma tṛuḥeḍ-as s leḥnana, ahat tikkelt nniḍen a k-d-issemḥess.
