ƐZƖMA ÐƖPƖZƖƔ NƐ ÐƖPAƔZƖ KƐDAƔ YƆ
TƐM KIKPƐLƖKƖTƲ 4
Yɔɔdɩnɩ tɩ luzuu
Paɣtʋ kiɖe: «Iluzi mɩ-tɩ nɛ ɩkpaɣ lalaa se pakɩlɩ-mɩ.»—Filp. 2:3.
Mbʋ Pɔɔlɩ laba yɔ
1. Cɔnɩ VIDEO, yaa kalɩ Tʋma Labʋ 26:2, 3. Pʋwayɩ lɛ ŋmaɣzɩ tɔm tʋnɛ tɩ-yɔɔ:
-
Ɛzɩma Pɔɔlɩ wɩlɩ tɩ luzuu alɩwaatʋ ndʋ ɛyɔɔdaɣnɩ Wiyaʋ Agripa yɔ?
-
Pɔɔlɩ hɔm ɛyaa lɩmaɣza nɛ ewoni Yehowa nɛ Masɩ yɔɔ, ɛtɩhɔ pa-lɩmaɣza nɛ ewoni ɛ-yɔɔ. Ɛzɩma ɛlaba?—Cɔnɩ Tʋma 26:22.
Ɛbɛ ɖɩkpɛlɩkɩɣ Pɔɔlɩ kɩɖaʋ taa?
2. Ye ɖɩyɔɔdʋʋnɩ tɩ luzuu nɛ ñamtʋ yɔ, tɔm ndʋ ɖisusuu yɔ tɩpɩzɩɣ nɛ tɩkɛdɩnɩ ɛyaa nɛ pɩkɩlɩ.
Maɣzɩnɩ Pɔɔlɩ
3. Yɔɔdɩnɩ ñamtʋ. Taayele nɛ pɩwɛɛ ɛzɩ ŋsɩm pɩtɩŋa nɛ lalaa ñaasɩŋ natʋyʋ yɔ.
4. Wɩlɩ kpayɩ kpayɩ se toovenim tɔm ndʋ ŋsusuu yɔ, Bibl taa tɩlɩnaa. Ɛsɔtɔm pɩzɩɣ nɛ tɩwɛɛnɩ ɖoŋ ɛyaa maɣzɩm nɛ pa-lakasɩ yɔɔ. Ye ɖɩlakɩnɩ Ɛsɔtɔm tʋmɩyɛ yɔ, ɖɩsɩɣnɩ ɛyaa nɛ pama pe-tisuu tigiɖe kɩbanɖɛ yɔɔ.
5. Wɛɛnɩ hɛɛɛ wɛtʋ. Taalʋ se ŋwɩlɩ kpem se ñɛwɛnɩnɩ toovenim. Ðɩtɩsɔɔlɩ se ɖɩhɔ tɔm. Wɛɛnɩ tɩ ɖɔkʋʋ nɛ ye pɩpɔzʋʋ yɔ ŋɖɛɛ nɛ ŋyele ɛyʋ ɛnʋ nɛ pɩwɩlɩ se ŋwɛnɩ tɩ luzuu. (Adu. 17:14; Tiiti 3:2) Ye ŋcosini nɔɔ kɩbaŋa yɔ, pɩtɩla pɩpɩzɩɣ piyele nɛ ɛyʋ ɛnʋ ɛsɔɔlɩ se ewelisi Kewiyaɣ tɔm pʋwayɩ.
