OQALOQATIGINNEQQAARNERMI
ILINNIAGASSAQ 4
Maniguunneq
Najoqqutassiaq: “Maniguullusi allat immissinnit pingaarnerusutut isigisassavasi.” – Flp 2:3.
Paulusi qanoq iliortoq
1. VIDEO isiginnaaruk, imaluunniit Apustilit Suliaat 26:2, 3 atuakkit. Apeqqutillu uku eqqarsaatigikkit:
-
Paulusip kunngi Agrippa saaffigigamiuk maniguunnera qanoq erserpa?
-
Paulusip qanoq ersersippaa Jehova allassimaffiillu imminit pingaarnerutillugit? – Apustilit Suliaat 26:22 takuuk.
Paulusi sumik ilinniarfigaarput?
2. Maniguulluta ataqqinnillutalu saqqummiussisarutta oqariartuuterput kajumissinarnerussaaq.
Paulusi ilaaruk
3. Nikaginninnaveersaarit. Oqaloqatigisat ilisimasakittutut misigitinnaveersaaruk. Ataqqinnittumik oqaluttarit.
4. Biibili tunngavigisarit erseqqissartaruk. Guutip oqaasia inuup uummataanik sunniisinnaassuseqarpoq. Allassimaffiit tunngavigalugit ilinniartitsisarutta oqaloqatigisatta uppernera eqqortumik tunngavilissavarput.
5. Saamasuugit. Oqallinneq pinngitsoortinniarlugu uteriitsuunaveersaarit. Maniguullutit eqqissisimajuarit, qaqugukkullu qimagussinnaanissat eqqumaffigiuk. (Uss 17:14; Tit 3:2) Saamasumik akisaruit ilimanarpoq oqaloqatigisat tulliani tusarnaarumassasoq.
