ចាប់ផ្ដើមការសន្ទនា
មេរៀនទី ៤
រាបទាប
គោលការណ៍៖ «ចូរមានចិត្តរាបទាបដោយចាត់ទុកអ្នកឯទៀតថាប្រសើរជាងខ្លួន»។—ភី. ២:៣
អ្វីដែលប៉ូលធ្វើ
១. សូមមើល វីដេអូ ឬអានសកម្មភាព ២៦:២, ៣។ បន្ទាប់មក សូមពិចារណាសំណួរដូចតទៅ៖
-
ក. ពេលប៉ូលនិយាយទៅស្ដេចអាគ្រីប៉ា តើប៉ូលបង្ហាញចិត្តរាបទាបយ៉ាងដូចម្ដេច?
-
ខ. តើតាមរបៀបណាប៉ូលធ្វើឲ្យអ្នកស្ដាប់ចាប់អារម្មណ៍ព្រះយេហូវ៉ានិងបទគម្ពីរ ជាជាងចាប់អារម្មណ៍គាត់? (សូមមើលសកម្មភាព ២៦:២២)
តើគំរូប៉ូលបង្រៀនយើងយ៉ាងណា?
២. ពេលយើងនិយាយដោយចិត្តរាបទាបនិងដោយការគោរព នោះព័ត៌មានរបស់យើងនឹងកាន់តែទាក់ទាញចិត្តអ្នកស្ដាប់។
ធ្វើតាមប៉ូល
៣. កុំធ្វើឲ្យអ្នកស្ដាប់មានអារម្មណ៍ថាគាត់អន់។ មិនត្រូវធ្វើឲ្យគាត់គិតថា យើងចេះ តែគាត់មិនចេះ។ ផ្ទុយទៅវិញ សូមនិយាយជាមួយគាត់ដោយបង្ហាញការគោរព។
៤. ជួយគេឲ្យយល់ច្បាស់ថាអ្វីដែលអ្នកបង្រៀនមកពីគម្ពីរ។ បណ្ដាំរបស់ព្រះមានឥទ្ធិពលទៅលើគំនិត និងចិត្តរបស់មនុស្ស។ ពេលយើងប្រើគម្ពីរបង្រៀនពួកគេ យើងកំពុងជួយពួកគេឲ្យមានជំនឿដែលមានមូលដ្ឋានត្រឹមត្រូវ។
៥. រក្សាចិត្តស្លូតបូត។ កុំខំវែកញែកថាខ្លួនត្រូវ ពីព្រោះយើងមិនចង់ឈ្លោះប្រកែកទេ។ ផ្ទុយទៅវិញ យើងត្រូវបង្ហាញចិត្តរាបទាបដោយរក្សាចិត្តស្ងប់ ហើយដឹងថាពេលណាគួរដកខ្លួនចេញ។ (សុភ. ១៧:១៤; ទីត. ៣:២) បើយើងតបឆ្លើយដោយស្លូតបូត នោះម្ចាស់ផ្ទះប្រហែលជានឹងស្ដាប់យើងនៅពេលក្រោយមក។