MWA KUTANG KWIISAMB NI BAAT
DIILONGWEESH 4
Kwiihweekesh
Diiy ditam: ‘Ni kwiihweekesh, muut ni muut atal mukwaabw bu mumuhitok.’—Fili. 2:3.
Cilongel Pool
1. Tal FILM, eecy bal Myand yilongel Bapostol 26:2, 3. Kuunyim kontonon majooj maloolond aam:
-
I mushind kaay uleejel Pool kwiihweekesh haakadyey wiisamb ni Mukaleng Akripah?
-
I mushind kaay waakady Pool mutum meej ma Mukaleng Akripah kudy Yehow ni ku diiy dindiy hamut a kwiimakokey kudyey?—Tal Myand yilongel Bapostol 26:22.
I biny bituloolongel ku cileejel cya Pool?
2. Bwa musah wiitut kuteng baat teng tut tumudiilangan ni kwiihweekesh ni kaneemw.
Iidikij Pool
3. Iisamb ni kaneemw. Lek kukaam kuleej baat neey uw i yiy udy mumanyik bivul bab kabiin bamanyik ciit ning cyaakaabumw. Iisamb naab ni kaneemw.
4. Jadikil muut hatook neey Bibl i humbw a myand ya biin-biin yiwumwamwambil. Diiy dya Mawej didy ni may mateeteng micim ya baat. Tut tukal naady mudimw hatudiidiil baat musah, twiibaabakil lwiitabij lwaababw ha bishimacil bikasakan.
5. Iikal mutalal myand. Kwiikal ukaam teng bwa neey baat bitab an ciibuh. Katwiish bakat kukokangan. Leej kwiihweekesh hakushaal mwiihooy, ni manyik ciisang cya kujuuk ni kuy. (Tus. 17:14; Tiit 3:2) Uw wiisamb ni may malengel misang yiikwaabw baat bady mwa kwiiy kukun mat ku musah wiitut mu ciisang cikwaabw.
