BYA KUTENDEKA MWISAMBO
LUFUNJISHO 4
Kwipelula
Jifunde: “Na muchima wa kwipelula saka mulanguluka’mba bakwenu bemukila.”—Fili. 2:3.
Byaubanga Paulo
1. Tambai VIDYO, nangwa tangai Byubilo 26:2, 3. Apa bino mwisambe ano mepuzho:
-
Paulo wamwesheshe byepi kwipelula byo esambilenga na Mfumu Agilipa?
-
Paulo watumbijikile byepi Yehoba ne kwingijisha Binembelo kwa kubula kwitumbijika aye mwine?—Monai Byubilo 26:22.
Ñanyi Bintu byo Twafunjilako kwi Paulo?
2. Inge tubena kwamba na kwipelula ne na mushingi, bantu bakakebesha kuteleka ku mambo awama.
Ubainga Byaubanga Paulo
3. Ambainga na mushingi. Chinuzhukainga kumweshanga’mba mwayuka bintu byavula kukila muntu ye mubena kwisamba nanji.
4. Mweshai’mba bintu byo mubena kufunjisha byafuma mu Baibolo. Bukine bwa mu Baibolo buji na bulume bwa kupimpula byubilo bya bantu. Inge twaingijisha Baibolo pa kwibafunjisha, bakeitemwa ne kwiiketekela.
5. Twajijilai kukooka muchima. Kange mukebenga kwibingisha ne. Atweba kechi twipachika na bantu ne. Inge muntu wakana kumusapwila mwafwainwa kwipelula ne kufuma pa nzubo yanji mu mutende. (Maana 17:14; Titu. 3:2) Inge mwakumbula na jiwi jakooka, kampe kulutwe uno muntu ukateleka ku mambo awama.
