WE YU DE STAT FƆ TƆK
LƐSIN 4
Put Yusɛf Dɔŋ
Prinsipul: “Una put unasɛf dɔŋ ɛn tink se ɔda pipul dɛn bɛtɛ pas una.”—Fil. 2:3.
Wetin Pɔl Bin Du?
1. Wach di VIDIO, ɔ rid Akt 26:2, 3. Dɔn tink bɔt dɛn kwɛstyɔn dɛn ya:
-
Aw Pɔl bin sho se i de put insɛf dɔŋ bay di we aw i tɔk to Kiŋ Agripa?
-
Aw Pɔl bin sho se dɛn nɔ fɔ pe atɛnshɔn to am bɔt na to Jiova ɛn di Skripchɔ dɛn?—Luk Akt 26:22.
Wetin Wi Lan Frɔm Pɔl?
2. We wi put wisɛf dɔŋ ɛn tɔk wit rɛspɛkt, dat de mek pipul dɛn want fɔ no mɔ bɔt wi mɛsej.
Falamakata Pɔl
3. Tɔk wit rɛspɛkt. Nɔ mek lɛk se yu sabi ɔltin ɛn di ɔda pɔsin nɔ sabi natin.
4. Sho klia wan se di tru tin dɛn we yu de tɔk bɔt kɔmɔt frɔm di Baybul. Gɔd in Wɔd gɛt tin dɛn we de tɔch pipul dɛn at. We wi yuz di Baybul, wi de ɛp pipul dɛn fɔ gɛt fet pan Gɔd in Wɔd.
5. Tek tɛm tɔk. Nɔ tray fɔ sho se na yu kɔrɛkt. Wi nɔ want fɔ agyu. Sho se yu ɔmbul bay we yu nɔ de vɛks ɛn no ustɛm fɔ kɔmɔt de. (Prɔv. 17:14; Tay. 3:2) We yu tek tɛm tɔk, sɔntɛm di pɔsin go gladi fɔ lisin to yu ɔda tɛm.
